‘Vientu Norte’ de Nicolás Muller pue ves nel Muséu de Belles Artes d’Uviéu

La primera de les esposiciones que se programen pal segundu cuatrimestre del 2021 nel Muséu de Belles Artes d’Uviéu ta dedicada al fotógrafu Nicolás Muller.

Nacíu en Orosháza (Hungría) en 1913, Muller sufrió dende moza distintes agresiones xenófobes que lo obligaron a treslladase de la so tierra natal a otros países: Austria, Italia, Francia, Portugal y Marruecos, hasta llegar a España.

Una vegada n’instaláu equí, y gracies a el so amigu Fernando Vela, Muller afayó primero Llanes para, más tarde, quedar esteláu con Asturies. La so flechada con esta rexón foi tal que, una vegada xubiláu, el fotógrafu decidió afitar equí la so residencia.

Y ye que Muller amaba, ensin dulda, Asturies. Ello ye que llegó a afirmar que se sentía incapaz d’afigurar la so guapura. Una circunstancia que, nesta ocasión, funciona como filo conductor para esta esposición, titulada Nicolás Muller. Vientu Norte, y que, precisamente, ta conformada poles fotografíes que realizó nel norte d’España: Asturies, Galicia, Cantabria, País Vascu y Navarra.

Al pie de elles, un segundu grupu de fotografíes tán dedicaes a otres ciudaes y enclaves europeos que evidencien la internacionalidad d’esti estraordinariu fotógrafu, captador d’una cotidianidá apinada de guapura y verdá. La resultancia son más de cien instantánees que dexen afayar cómo percibía Nicolás Muller los distintos territorios que visitó según les xentes que lo habitaben.

L’amuesa, comisariada pol tamién fotógrafu José Herrero, va poder esfrutase nel Muséu de Belles Artes d’Asturies hasta’l 5 de setiembre de 2021 na planta -1 del Edificiu Ampliación.

Muséu de Belles Artes d’Asturies
Del 17 de xunu de 2021 al 5 de setiembre de 2021
Horariu de visita: de martes a sábados de 10:30 a 14:00 y de 16:00 a 20:00 h.  Domingos y festivos de 10:30 a 14:30 h.

Ver Reportaxe: https://www.rtve.es/play/videos/panorama-regional/mirada-comprometida-nicolas-muller/5974171/