“Nos dominios de trés” homenaxea a la pintora Trinidad Fernández nel CMAE

Una esposición recuerda y rinde tributu na so ciudá natal, Avilés, a una artista clave na cultura asturiana contemporanea, nel primer aniversariu del so fallecimientu en Madrid. Comisariada por Luis Feás Costiella, “Nos dominios de trés” homenaxea a la pintora Trinidad Fernández y axunta mediu centenar d’obres, procedentes de museos como’l de Belles Artes d’Asturies o la Casa Natal de Xovellanos de Xixón, lo mesmo que de una ventena de colecciones privaes d’Asturies y Madrid, ente elles les de los sos herederos.

Residente mientres casi setenta años en Madrid, con estancies en París, Trinidad Fernández tuvo siempres un mundu propiu qu’evolucionó a partir de los sintéticos paisaxes de la so primer dómina hasta la so etapa postrera, caracterizada pol absolutu dominiu de el color. Tamién foi autora de semeyes, de personaxes como Gloria Fuertes o Josefina Aldecoa. Foi una de les escases artistes españoles que participaron nes Bienales de Venecia y São Paulo nel momentu de la so mayor trescendencia, los años sesenta, con obres de fondos grises atapecíos y figures amenorgaes a simples garabatos que s’atopen presentes na esposición.

Como pintora astracta, tamién espunxo na Mostra d´Arte Contemporaneo de Milán (1971) y la colectiva ‘Femmes Peintres et Sculpteurs’ del Muséu d’Arte Contemporaneo de París (1975), y na esposición celebrada en Palma de Mallorca n’homenaxe a Joan Miró (1977). Dende 1954 espunxo individualmente en galeríes de Madrid, Bilbao, Santander y Asturies, de la que mientres muncho tiempu caltúvose alloñada por desgarrones íntimos difíciles d’arromendar. En vida foi imposible qu’amosara la so obra n’Avilés, daqué que’l Conceyu y la conceyalía de Cultura resarcen con esti merecíu homenaxe.

Más información