Arribada 2007

Güei termina l’Arribada 2007, pero tovía queda tou un día d’actos. A les once y media la mañana entama’l día cola presentación del cancioneru ‘Lírica asturiana de güei de Vicente Sánchez’. A les doce va ser Xosé Ambás, el popular etnógrafu presentador de la TPA, quien presente’l llibru ‘Historia y cuentos de tradicional oral “María Isabel ya Celestina”.

A les 12,30 va facese la presentación de ‘Trabayos musicales na tradición oral’ de Dani García de la Cuesta y a la una la tarde una tertulia ‘La lliteratura asturiana nos medios de comunicación’, que va entamar Próspero Morán, director d’Asturnews.com y presentador del programa Nós na TPA. Nesta tertulia van participar Ramón Lluis Bande, Rubén Cienfuegos, Fernando de la Fuente, Xurde Morán y Xandru Martino.

Dempués del descansu del meudía, a les cinco la tarde va ser el momentu pal ‘Diálogu col autor’, un momentu pa charrar col autor americanu afincáu en La Collá (Siero), qu’espublizó llibros como ‘Aldeanismos’ o ‘Paraíso Matorral’. A les cinco y media va presentase una nueva editorial ‘Araz Llibros’, que va tar dedicada al ensayu.

A les seis de la tarde, Inacio Rodríguez-Solar, Sabel Tuñón, Milio Rodríguez Cueto y otros miembros de la Tertulia Cultural ‘El Garrapiellu’, van presentar la ‘III Antoloxía de cuentios curtios El Garrapiellu’ y la convocatoria del Premiu de Cuentos Curtios d’El Garrapiellu’. A les seis y media Sabel de Fausta va presentar ‘Na solombra del silenciu’. Y a les 19 hores va ser Xosé Bolado quien presente ‘Na estación de los Relevos’

El día, no lliterariu, va pesllase cola tertulia ‘Identidá y lliteratura, un averamientu al ensayu políticu’, con una introducción de Sixto Cortina y la intervención de Lluis Xabel Álvarez, Ignacio G. López-Dóriga, Javier Neira, Pablo Rodríguez Alonso y Faustino Zapico.

Yá de nueche va celebrase la ‘Gala de pieslle de l’Arribada 2007’, cola presentación d’Inaciu Galán y les actuaciones de los monóloguistes Lluis Antón González, Benxa Pérez y Cellero, dientro del ‘3er Certame de monólogu modernu’, organizáu pola Asociación H.a Xareos en collaboración cola Arribada. Va ser, a partir de les diez de la nueche na Sala Albéniz de Xixón, na cai San Bernaldo.

A les 17,00 hores y dientro del ciclu ‘Nuevos rumbos de la lliteratura asturiana’ Alberto Álvarez Peña va dar una conferencia sobre la mitoloxía na lliteratura asturiana. Darréu va celebrase una mesa redonda cola intervención de Xosé Nel Caldevilla, Vicente García Oliva, Esther Prieto y Urbano Rodríguez. A les 18,30 va llegar unu de los momentos más esperaos d’esta Arribada 2007, la entrega del Premiu Timón.

A les siete la tarde, nel Salón d’Actos del Antiguu Institutu de Xixón va celebrase l’espectáculu poéticu ‘Con espluma de mar y vieyos minerales’, un a declamación de poemes por actores, entemecíos con audiovisuales. Van declamar Sara Fernández Suárez, Lluis Antón González y Aida Rivas, con poemes de Fredo de Carbexe, Luis Fernández Roces, Aurelio G. Ovies, Juan Carlos Gea, Humberto Gonzali, Taresa Lorences, Nené Losada, Esther Prieto y Xosé Miguel Suárez.

A les ocho la tarde dientro del Espaciu musical va tocar el grupu Senogul, que ta acabante de presentar el so primer discu.

Esta tarde va entregase’l Premiu Timón 2007, un galardón col que l’Asocación Cultural l’Arribada quier reconocer la figura y la obra d’un autor asturianu, mayor de cincuenta años, que tenga detrás una carrera lliteraria importante. Esta tarde a les 18,30 va llegar unu de los momentos más esperaos de l’Arribada 2007, la entrega del Premiu Timón y la premiada va ser Nené Losada Rico.

El premiu va entregalu’l conceyal de cultura de Xixón, Justo Vilabrille y los miembros del xuráu: Milio Rodríguez Cueto, Humberto Gonzali, Aurora García Rivas, David M. Rivas, Frichu Yustas y como secretariu ensin votu Inaciu Galán y González. Ta confirmada la presencia de l’autora y la so familia nesta entrega que va ser al mesmu tiempu un momentu d’homenaxe pa la decana de les lletres asturianes.

Nené Losada, alcuñu lliterariu de la poeta popular valdesana Carmen Losada Rico, nacida en Lluarca el 10 de payares de 1921. Tres años depués, al morrer la madre, llévenla a Sanfliz de Trevías, pa con la güela. Ellí diba vivir hasta que, con diecinueve años, casa y torna pa Lluarca, onde sigue viviendo. De formación autodidacta, amuésase como una temprana escritora de relatos y poemes en castellano. Tiempu más tarde, empezará a facelo na llingua del so llugar, utilizando formes poétiques mui cercanes a les de la poesía oral popular. La so obra tien como modelu al Padre Galo, al que conoció de neña, y emparenta, non sólo por tar escrito tamién en dialectu occidental, cola de la poeta Eva González de Llaciana; amuesa a una bona recoyedora de la lliteratura oral y capacitada asgaya pa componer con estos materiales tradicionales una obra de fondu caláu líricu y d’una prestosa eufonía. En 1992 recoyó bona parte de la so obra en versu nel volume Cantares valdesanos, n’edición de Consuelo Vega, que se completa col nuevu llibru poéticu apaecíu en 1997 col títulu de Entre apigarcios.

A les cuatro y media entamen los actos d’Arribada 2007 de güei cola presentación del discu-llibru ‘La mina que nun cierra’, un discu nel que Xulio Arbesú musica poemes d’autores de les cuenques como Chechu García. A les cinco va presentase les novedaes pa esti añu de Publicaciones Ámbitu: ‘Mediaos del 69’ d’Ismael González Arias, ‘Argonautes’ de José Ángel Gayol, ‘El camín de Dios’ de Naciu Varillas, ‘El sil que baxaba de la nieve’ de Roberto González-Quevedo y ‘Volver de Xurde Fernández’.

A les17,45 y dientro del ciclu d’Homenaxes de l’Arribada 2007, va facese alcordanza de Xosé Antón García con una introducción de José Luis Argüelles y un recital de poemes del autor del qu’esti añu se cumplen diez años de la so muerte.

A les 18,15 Xuan Santori va lleer la comunicación ‘Una reflexón sobre l’apegu lliterariu a los autores locales, aplicaciones didáctiques’ y a les 18,45 llega’l momentu pa los ‘ Nuevos rumbos de la lliteratura asturiana’, dedicáu güei a la música con una ponencia de Carlos Rubiera y una mesa redonda con Rubén Ardura, Xulio Arbesú, Marisa López Diz y Frichu Yustas. les 20,15 va pesllase’l día cola actuación del dúu Mestura.

A les 16,30 va presentase’l llibru de rellatos ‘El buscador d’hestories’ de Cristina Muñiz Martín, y esto va dar entamu a nuevu día d’actos n’Arribada 2007. A les cinco la tarde Aurora García Rivas va dar llectura a la comunicación ‘Carlos Bousoño, poeta visionario en el ojo de la aguja. Una mirada personal’.

A les cinco y media va entamar el tiempu dedicáu al humor cola presentación del llibru de monólogos editáu por Trabe ‘Ente muyeres’, onde apaecen monólogos de Montserrat Garnacho, Nieves Areces, Pilar Cristina Menéndez, Cristina Muñiz Martín y Ramona Rodríguez Álvarez “Moncha” A les 18:15, la editorial Suburbia va presentasen na Arribada cola antoloxía de narrativa moza ‘Vía de Serviciu’.

A les 19:00 hores, el ciclu ‘Nuevos rumbos de la lliteratura asturiana’ va cuntar cola ponencia sobre l’humor de Xosé Nel Riesgo, a la que va siguir una mesa redonda con Antón García, Inaciu Galán, José Luis Rendueles y Milio Rodríguez Cueto. El día va pesllase cola actuación, a les ocho y media, de Dani García de la Cuesta.

A les cinco de la tarde va abrise un día más d’Arribada 2007 cola presentación del cómic ‘Principal Ramalho’, adaptación de la novela ‘Una mina llamada infierno’. A les cinco y media la tarde, va presentase ‘El murmuriu d’un mieu ensin nome’ de Rubén Sánchez Antuña.

Yá a les seis va celebresa una tertulia titulada ‘Xestión cultural y promoción de la lliteratura n’asturianu’ lleida por Adolfo Camilo Díaz. La ponencia va llevar un alderique nel que van participar Víctor Coalla, Adolfo camilo Díaz, Xandru Fernández, María Xosé Rodríguez, Xuan Santori y Alberto Suárez.

A les siete va presentase’l llibru ‘Sidra y llagares tradicionales n’Asturies’ y yá a les 19:30, el ciclu “NUEVOS RUMBOS DE LA LLITERATURA ASTURIANA”, va proponer una ponencia sobre la sidra na lliteratura asturiana de Xosé María Vega, a la que va siguir un alderique con Roberto González, Lluis Nel Estrada, Lluis Portal Hevia, Miguel Rojo y Xosé María Vega.

A les cinco la tarde d’esti cuartu día d’actividaes de l’Arribada 2007 va presentase un númberu nuevu de la revista ‘Asturies. Memoria encesa d’un país’ cola presencia d’Alberto Álvarez Peña. A les 17,30 va ser la presentación del llibru ‘La mirada aliella’ d’Antón García, espublizáu pol Atenéu Obreru de Xixón, na coleición ‘Tiempu de cristal’.

A les seis de la tarde va ser el momentu pal primeru de los homenaxes d’esta Arribada 2007, dedicáu a la escritora Eva González, con una ponencia de Xosé Lluis Campal. A les seis y media l’Academia de la Llingua Asturiana va presentar el númberu 24 de la revista Lliteratura, qu’inclúi dalgunes de les ponencies lleíes n’Arribada 2006.

A les19:30 hores y nel ciclu ‘Nomes propios de la lliteratura asturiana’, va celebrase’l segundu homenaxe de l’Arribada 2007, dedicáu a Enrique García Rendueles y tituláu por Xuan Xosé Sánchez Vicente, responsable del actu, ‘Los nuevos bablistas: Voluntá y fracasu asturianista’.

Y yá les ocho la tarde va entamar el ciclu ‘Nuevos rumbos de la lliteratura asturiana’, cola ponencia sobre l’esoterismu de David M. Rivas y una mesa redonda con Vital d’Andrés, Etelvino González, Humberto Gonzali, David M. Rivas y Xulio Viejo. Mañana la sidra va ser el centru d’esti ciclu que dura hasta’l vienres, penúltimu día de l’Arribada 2007.

L’Arribada llegó esti domingu al so tercer día con dellos actos bien interesantes. Una tertulia entamada por petición del mundiu del cómic asturianu y que llevó por títulu ‘Promoción y futuru del cómic’, con una comunicación de Chechu García (‘El cómic en llingua asturiana’) y la intervención d’ Enrique Carballeira, Lluis Antón González, Neto, Mari Luz Pontón y Isaac del Rivero sr. A les doce presentábase ‘Gladiu’, la última novela gráfica de Neto, editada por CH Ediciones.

A les 12 presentóse’l tercer númberu de Formientu, dedicáu a la lliteratura erótica y cola presencia del so direutor Inaciu Galán y los autores de la obra. A les 13 hores Aurora García Rivas presentó ‘Contos, ducia e media’, la última obra n’eonaviegu de l’autora de San Tiso d’Abres.

El día pesllóse a les 13:30 hores col recital ‘Voces y acentos: Poetes en Xixón’, que va percorrió la obra d’autores qu’escriben tamien en castellán o otres llingües, como son Humberto Gonzali, Antonio Merayo, Xicu Monteserín, Pablo Rodríguez Medina y Armando Vega, que tarán presentes.

Esti llunes l’Arribada 2007 va siguir con más actos hasta’l próximu día 22 de setiembre. Los puestos de llibros siguen abiertos tolos díes n’horariu de mañana y tarde.

DOMINGU 16 DE SETIEMBRE

11,00 tertulia CCAI – Patiu

Promoción y futuru del cómic

Comunicación: El cómic en llingua asturiana
de Chechu García
Intervienen: Enrique Carballeira, Chechu García, Lluis Antón González, Neto, Mari Luz Pontón y Isaac del Rivero sr.

12,00 Presentación CCAI – Patiu
Gladius de Neto

12,30 Presentación CCAI – Patiu
Númberu 3 de la revista Formientu
13,00 Presentación CCAI – Patiu
Contos, ducia e media
d’ Aurora García Rivas

13,30 VOCES Y ACENTOS CCAI – Patiu
Poetes en Xixón
Intervienen: Humberto Gonzali, Antonio Merayo, Xicu Monteserín, Pablo Rodríguez Medina y Armando Vega

Güei sábadu entamen los actos más puramente lliterarios de l’Arribada 2007, que se celebra nel Antiguu Institutu de Xixón. A les 11:00 va celebrase la presentación del númberu 1 de la revista N’Ast, una revista d’ensayu na qu’apaez un entamu de Xose Lluis García Arias y artículos de xente como Inaciu Llope, Bertu Peña o Inaciu Galán.

A les once y media la mañana va celebrase una ponencia embaxo’l títulu de “La xeneración del compromisu” con una introducción de Xaviel Vilareyo y una llectura con Berto García, Ricardo Candás, Xabel de Cea, Elizabeth Felgueroso, Pablo Rodríguez Alonso, Alejandra Sirvent y Carlos Suari A les 12 Vilareyo va presentar el llibru de rellatos ‘La causa más probable’.

A les 12:30 una tertulia titulada ‘Premios lliterarios n’Asturies’ va cuntar cola presencia de Ramón d’Andres, L.luis Fernández, Esther García López, Inaciu Iglesias, Pablo Antón Marín Estrada y Xulio Vixil.

A la una y media entama’l ciclu “Los tiempos de la novela histórica” cola presentación del llibru ‘La senda del cometa’ de Miguel Rojo. Yá pela tarde, a les 16:30, y dientro del mesmu ciclu van presentase ‘Potestas’, recuperando una novela de va años, de Xulio Arbesú; ‘En busca de Xovellanos’, ganadora del Xosefa Xovellanos de Novela 2006 y escritu por Ismael Arias. Será a les cinco la tarde.

A les cinco y media la tarde Alejandro M. Gallo va presentar la novela ‘Caballeros de la muerte’ y a les seis será Xose Nel Riesgo quien presente la novela premiada pola Academia de la Llingua Asturiana ‘Escrito na ceniza’.

L’escritor foriatu convidáu esti añu, Pedro Gálvez, va presentar a les seis y media ‘La emperatriz de Roma’, un llibru que llegó al top-ten de ventes nel estáu español.

A les siete la tarde y zarrando’l ciclu de novela hestórica va celebrase la tertulia “Xenesis y desarrollu de la novela histórica n’Asturies” onde van intervenir Xulio Arbesú, Pedro Gálvez, Alejandro M. Gallo, Ismael González Arias, Xose Nel Riesgo y Pilar Sánchez Vicente.

A les ocho la tarde va ser el momentu pa la música, cola actuación d’un grupu entá por confirmar.

SÁBADU 15 DE SETIEMBRE

11,00 Presentación CCAI – Patiu
Númberu 1 de la revista N’Ast

11,30 VOCES Y ACENTOS CCAI – Patiu

La xeneración del compromisu

Introducción de Xaviel Vilareyo
Intervienen: Berto García, Ricardo Candás, Xabel de Cea, Elizabeth Felgueroso, Pablo Rodríguez Alonso, Alejandra Sirvent, Carlos Suari y Xaviel Vilareyo

12,00 Presentación CCAI – Patiu
La causa más probable de Xaviel Vilareyo

12,30 Tertulia CCAI – Patiu
Premios lliterarios n’Asturies
Intervienen: Ramón d’Andres, L.luis Fernández, Esther García López, Inaciu Iglesias, Pablo Antón Marín Estrada y Xulio Vixil

Los tiempos de la novela histórica

13,30 Presentación CCAI – Patiu
La senda del cometa
de Miguel Rojo

16,30 Presentación CCAI – Patiu
Potestas
de Xulio Arbesú

17,00 Presentación CCAI – Patiu
En busca de Xovellanos
d’Ismael González Arias

17,30 Presentación CCAI – Patiu
Caballeros de la muerte
d’Alejandro M. Gallo

18,00 Presentacion CCAI – Patiu
Escrito na ceniza de Xose Nel Riesgo

18,30 Presentación CCAI – Patiu
La emperatriz de Roma
de Pedro Galvez

19,00 tertulia CCAI – Patiu
Xenesis y desarrollu de la novela histórica n’Asturies
Intervienen: Xulio Arbesú, Pedro Gálvez, Alejandro M. Gallo, Ismael González Arias, Xose Nel Riesgo y Pilar Sánchez Vicente

20,00 Espaciu musical CCAI – Patiu

Güei a les ocho la tarde Xaviel Vilareyo va actuar dientro del espaciu musical de l’Arribada 2007. L’actuación prevista en programa yera la del grupu de música lletrónica ‘Xera’, pero problemes personales del grupu ficieron necesariu esti cambiu.

Xaviel Vilareyo ye escritor n’asturianu y n’eonaviegu y animador d’una bayurosa actividá cultural. Dientro de l’Arribada va presentar el so llibru últimu ‘La causa más probable’.