redacción asturnews

El Festival de Lorient 2026 va ser depués d’esti branu y col remocicamientu de la estructura editorial de la publicación, l’entamu del nuevu diariu cultural asturianu Asturnews que va tornar en Setiembre con nuevu formatu propio d’un Selmanariu, camudando la so forma de presentar la información alrodiu de la cultura y la llingua de Asturies y tolo que cinca a elles. Un nuevu enfoque didácticu, empobinando’l trabayu informativu a la xera que se fai nos colexos ya Institutos, ye la exa d’un formatu que va entamar tres del branu con un reportaxe sobre la edición 2024 del Festival de Lorient.

Con esti artículu queremos facer anuncia d’una nueva etapa pa Asturnews, el blog d’información cultural n’asturianu que foi la vuestra fonte diaria de noticies y eventos durante esti tiempu. A partir de setiembre, Asturnews adoptará un formatu semanal, cola intención d’ufrivos un conteníu más completu, fondiu y educativu, con un modelu de noticia que va incluyir pallabres destacaes de cada noticia pa trabayar nel aula y una cuestion gramatical cola que trabayar emplegando la noticia.

¿Qué cambios va traer la nueva etapa?

El nuevu formatu selmanal d’Asturnews va encadarmase alrodiu de tres exes:

• Actualizaciones semanales: Cada fin de selmana, publicaremos una serie d’artículos que repasarán los eventos culturales celebraos durante la selmana en distintes categoríes como música, lliteratura, cine y teatru. D’esta manera, podreis tar al día de tolo que pasó nel ámbitu cultural asturianu d’una manera más estructurada y detallada.
• Avances informativos: Amás de repasar los eventos pasaos, informaremos de les actividaes culturales programaes pa les selmanes siguientes. Asina, podréis planificar les vueses agendes y nun perdervos denguna cita cultural importante.
• Reportaxe especial semanal: Y la novedá más destacada va ser la inclusión d’un reportaxe semanal de mayor estensión. Esti reportaxe va tar dedicáu a una fiesta, convocatoria, xornaes o congresu, y va tener una orientación educativa. Incorporaremos fiches y materiales didácticos que poderán ser utilizaos nes aules de Llingua Asturiana, facilitando asina’l trabayu de docentes y fomentando l’aprendizaxe de la nuesa llingua al traviés de la cultura.

Estrenu col Festival de Lorient 2026

Pa inaugurar esta nueva etapa d’Asturnews, escoyimos un eventu bien especial: el Festival Intercélticu de Lorient 2026. Esti festival, que se celebra n’agostu na ciudá francesa de Lorient. Al traviés d’esti reportaxe, vamos acercavos toes les actividaes y eventos que se desenvuelvan nel festival, y vamos proporcionarvos materiales educativos pa que podais trabayar estos conteníos na clas.

Participa y mantente informáu

Queremos convidavos a toos y a toes a siguinos nesta nueva aventura y a participar activamente nel nuesu blog. Les vueses opiniones y suxerencies van ser fundamentales pa siguir meyorando y adaptándonos a les vueses necesidaes y intereses. A partir de los caberos díes de setiembre, esperámosvos cada fin de selmana col nuesu renováu Asturnews, llistos pa ufrivos lo meyor de la cultura asturiana con un enfoque educativu y accesible.