Portada Plástiques Avilés recuerda’l so vertixinosu sieglu XX cola esposición fotográfica “Avilés, la ciudá tresformada (1939-2000)”

Avilés recuerda’l so vertixinosu sieglu XX cola esposición fotográfica “Avilés, la ciudá tresformada (1939-2000)”

by redacción asturnews

El tiempu que va dende la finalización de la Guerra Civil hasta la finalización el sieglu XX, Avilés vivió una de les más fabulosos tresformamientos d’España. Pocu más de 60 años de cambeos vertixinosos, urbanos, demográficos, sociales, recoyíos na esposición “Avilés, la ciudá tresformada (1939-2000)”, que s’inauguraba na Casa de Cultura‘l miércoles, 15 de marzu, y podrá visitase de forma gratuita hasta’l 23 d’abril.

Conformada por más de 200 fotografíes de l’ayalga de memoria gráfica curiáu nel Muséu del Pueblu d’Asturies, que la produz, cola collaboración del Muséu de la Hestoria Urbana d’Avilés.

Dende’l final de la Guerra Civil, hasta los cambeos surdíos cola llegada de les primeres corporaciones democrátiques, pasando polos tresformamientos urbanes ya industriales causaes pol asentamientu de les grandes empreses fabriles (Endasa, Cristalería Española, Ensidesa o Asturiana de Cinc). L’ociu, el trabayu, les xentes… Un percorríu vital pela ciudá nes imaxes escoyíes para la composición d’una amuesa comisariada por Francisco Crabiffosse Cuesta.

Fotografíes de la construcción y vida en barrios como Villalegre, La Lluz, La Carriona, El Nodo o los grupos de viviendes de Cristalería Española, imaxes de la vida y trabayu nes industries enantes citaes, los cambeos nel cascu históricu o l’apaición de nueves zones d’ociu (Galiana) o de fiestes como Antroxu o la Comida na Cai”.

Tamién s’espón una interesante serie de postales, tantu en blancu y negru como en color, de firmes como Paisaxes Españoles o la uvieina Ediciones Rumbu (1949-2001), una de les más destacaes y de llarga trayectoria nesti sector surdíu al amparu del desenvolvimientu del turismu n’España.

Un vídeu con distintes imaxes aérees d’Avilés, realizaes pola empresa bilbaina FOAT (Fotografía Aérea y Terrestre) ye un complementu nel que puede vese el cambéu de la trama urbana de la ciudá nesti espaciu temporal.

Ye tamién una alcordanza y homenaxe a los grandes fotógrafos avilesinos y asturianos autores d’esti conxuntu d’imaxes: Novel, Güerta, Nebot, Bixega, Fernando Carbayos, M. G. Alonso, José Vélez, Ana Muller, Manuel Espín, Juan Galé, etc.

Foi producida pol Muséu del Pueblu d’Asturies, entidá xixonesa que con más de mediu sieglu d’hestoria, amás del so importante material etnográfico que recueye la memoria cultural d’Asturies, dispon d’una ingente colección fotográfica. Sigue asina la so collaboración cola ciudá, del qu’hubo, ente otres, amueses tan interesantes y de tan gran aceptación como “Avilés, de Villa a Ciudá (1860-1937)”, y de la que la presente esposición ye en gran midida la so continuadora.

Na collaboración que brindó’l MHUA previose la realización de visites empuestes.

Los horarios de visita de l’amuesa, siempres gratuita, son los siguientes:

De llunes a sábadu, de 9.00 a 21.00 hores
Domingo y festivos, de 9.00 a 14.00 hores

Tamién te podria gustar