Una esposición amuesa la evolución de la muyer dende la prehistoria

Ente la vida y la muerte ye’l nome  esposición que quier percorrer el llugar de les muyeres, dende la prehistoria a los tiempos medievales nel Parque Arqueolóxicu-Natural de la Campa Torres de Xixón y que va permanecer abierta hasta’l 25 de xunu.

Dende cazadores pañadores del Paleolíticu Mediu rexonal, hasta aquelles que vivieron en tiempos medievales. Toes recuperaes gracies a una serie de rexistros arqueolóxicos que, combinaos con testimonios epigráficos, testos, ilustraciones y recreaciones, dexen un percorríu que visualiza a les muyeres tanto nel ámbitu funerariu como nos espacios de vida.
Elles

Trés llugares clave (El Sidrón, Fuentenegroso y Chao Samartín) constitúin l’arranque d’un viaxe que yá na Antigüedá recueye los primeros nomes femeninos y qu’avanza hasta una Edá Media habitada por regateras, alfayatas y hospitaleras. Xuna mirada a lo llargo del tiempu que nos concencia sobro la pluralidá de situaciones nes que se vieron somorguiaes les muyeres.

Los comisarios de la esposición son Carla Rubiera Cancielles, Fernando Rodríguez del Cueto, Álvaro Solanu Fernández-Sordu, María Álvarez Fernández y David Espinosa Espinosa, y la coordinación ta al cargu de Paz García Quirós.

Esta actividá forma parte del proyectu d’espardimientu históricu “Elles tamién taben. La hestoria de les muyeres n’Asturies” con distintes actividaes na Rede Municipal de Museos de Xixón/Xixón. La iniciativa surde coles mires de tresferir al públicu parte de les resultancies del proyectu d’investigación “La hestoria de les muyeres n’Asturies”, dirixíu por Rosa María Cid López, profesora de la Área d’Hestoria Antigua de la Universidá d’Uviéu y coordinadora del grupu d’investigación «Deméter. Maternidá, Xéneru y familia», que va ser publicáu a lo llargo de 2023.

Parque Arqueolóxicu-Natural de la Campa Torres
Del 30 de marzu de 2023 al 25 de xunu de 2023