Emigración

Dientro del marcu del IV alcuentru de cases rexonales y provinciales que se celebró en Sevillaesta fin de selmana na redolada de Plaza Nueva, el Centru Asturianu en Sevilla llevó a cabu l’I escanciáu de sidra solidario que tuvo llugar nesta ciudá. Llográronse vender 500 botelles de sidra natural , colos sos correspondientes vasos a un preciu de 3 €, de manera tala que 2 € de cada botella fueron destináu a un comedor social de la zona del polígonu sur de la Capital Andaluza que ta siendo bien afectada pola situación de crisis actual.

El Centru Asturianu de Sevilla quixo tres del actu reconocer la collaboración al Conceyu de Belmonte de Mirada que donó los 500 vasos de sidra grabaos y a sidra Trabanco pola donación de 72 de les 500 botelles que s’echaron.

Pel so stand pasaron autoridaes del conceyu de Sevilla según el Sr. Monago presidente de la Comunidá Autónoma Estremeña que s’interesó pola nuesa comunidá y tastió nuesa magnífico sidra acompañada d’una sabrosa empanada.

Cola presencia de mas de 150 invitaos, el Centru Asturianu de São Paulo y la Fundación Españoles nel Mundu/Brasil, celebraron esti pasáu domingu 30 de marzu la so tradicional Fabada Asturiana, que se realiza dende 1959. Una vegada más el local escoyíu foi’l Salón “Alvorada” de la Ilesia “São Carlos Baorromeu”, onde tuvieron presentes el Cónsul Xeneral d’España en São Paulo Sr. Ricardo Martínez Vázquez, la Canciller Sra. Norma Sánchez Arias, la xefe de la Sección d’Empléu y Seguridá Social Sra. Ana María Serrano Oltra, el Director del Institutu Cervantes Sr. Pedro Benítez, la presidente de la Sociedade Rosalía de Castro Sra. Carmen Bley, representantes de partíos políticos y empresarios españoles y brasileños.

Despues de saborguiar el platu tradicional, los hermanos Thiago y Priscilla Flórez, estudiantes de la Escuela d’Asturianía, allantaron a los presentes con músiques y dances del repertoriu popular asturianu, que fixeron la emoción brotar de los emigrantes ellí presentes, yá que despues de munchos años recuperábase la presencia de los mozos nel plantel folclóricu.

La presidenta del Centru Asturianu de São Paulo, Charo Concepción Fernández y el presidente de la Fundación Españoles nel Mundu/Brasil, Francisco Javier F. López, estimaron la presencia de toos, esplicando a los presentes el trabayu sociocultural que’l Centru realiza al pie de los sos paisanos y los proyectos presentaos nel ambito de la cooperación internacional, como agradecimientu al pueblu brasileñu por haber acoyío a los asturianos que llegaron a Brasil.

A la fin, yá toos de pies, cantóse l’Asturies Patria Quería.

Asturies va ser la comunidçá autónoma española cola qu’entame un ciclu de cine turísticu que baxo’l títulu ‘Spanien, ein Land wie in Filme’ (España, un país de película), va desenvolvese nel Institutu Cervantes de Frankfurt dende’l día 18 de noviembre hasta’l 9 d’avientu. El certame, entamáu pola Oficina Española de Turismu en Frankfurt en collaboración coles entidaes de promoción turística autonómiques, ente elles la Conseyería d’Economía y Emplegu d’Asturies, pretende promocionar España ante’l mercáu alemán como destín turísticu y cultural al traviés del cine.

La película escoyida p’abrir el ciclu foi ‘Para qué sirve un osu’, dirixida pol realizador asturianu Tom Fernández y patrocinada pol Gobiernu del Principáu. Estrenáu en 2011 y rodáu mayoritariamente n’espacios naturales del Camín Real de La Mesa, el llargumetraxe amuesa la vinculación d’Asturies col osu pardu nuna hestoria de concienciación ambiental que sirve, de la mesma, d’escaparate a los paisaxes del osu cantábricu. La película comparte cartelu con otres producciones como ‘El Camín’, d’Emilio Estévez, o ‘Namái se vive una vegada’, de Zoya Akhtar.

El públicu qu’asista a les proyecciones va recibir material informativo y promocional de cada unu de los destinos que protagonicen el ciclu, ente ellos Asturies. El certame va cuntar, amás, con un pase empobináu a públicu profesional del sector turísticu y prensa especializada alemana.

Izquierda Xunida, al traviés de la so Área Federal d’Educación, amuesa’l so “total sofitu” y felicita a los colectivos, organizaciones d’emigrantes, sindicatos y persones qu’integren la denominada Plataforma REALCE (Plataforma pola Recuperación de les Enseñances de ALZAR / Agrupaciones de Llingua y Cultura Española) pol importante pasu dáu cola so constitución na defensa de les clases de Llingua y Cultura española pa los nuesos residentes nel esterior”.

Para IX, “güei resulta imprescindible la unidá en redol a unos mínimos que constituyan la base y la necesaria pervivencia del programa de les Agrupaciones de Llingua y Cultura española (ALCE). Esta unidá siempres foi necesaria, tal que demostraron les importantes movilizaciones que tuvieron llugar nos últimos meses”.

La Área d’Educación d’IX considera que “los ALCE constitúin un programa educativu importante pa los descendientes de la nuesa emigración histórica según pa los fíos y fíes d’aquelles persones que se ven obligaes a emigrar na actualidá. Ye, poro, un programa cargáu de futuru”.

Al pie de ello, “l’oxetivu de la Plataforma REALCE ye caltener y ameyorar una enseñanza que’l so oxetivu final ye’l caltenimientu de los venceyos cultural y llingüísticu colos oríxenes de los emigraos como forma de reforzar la so identidá y de facilitar la so integración nes comunidaes nes que moren y que los acueyen”.

Por tou ello, Izquierda Xunida repite’l so “total sofitu a les iniciatives que la Plataforma desenvuelva, especialmente ante la imposición per parte de l’Alministración del PP de la enseñanza per Internet que denominen ‘semipresencial’, que va en desterciu de les clases reales. Nesti sentíu, IX fai un llamamientu a tolos colectivos y persones sensibilizaes con esta iniciativa por que se xunten a RESALTE. Ye tan senciellu como unviar un y-mail a plataforma.realcegmail.com.

El Centru Asturianu de Madrir ta acabante anunciar un añu más los sos premios, “Manzana de Oro” y “Urogallo de Bronce”. Na primer categoría resultaron ganadores l’escritor, posedor del Premiu Cervantes, Antonio Gamoneda, y l’oftalmólogu de prestixu internacional Luis Fernández-Vega. Como sociu mencionáu, Armando Fernández Suárez, númberu 30 de la entiedá, dende 1953. Los Premios Urugallo de Bronce entréguense na categoría d’artesanía, baille, tonada, corales, gaite, gastronomía, personaxe popular, llingua asturiana, defensa de la natura, deportes, festexos, especiales y especiales con mención d’honor.

Na categría de baille, el premiu foi pal Grupu de Baille Tradicional de Fitoria, que se fundó nel añu 1989 y cunta dende 2005 con una escuela de música tradicional. L’artesanu naval Luis Montoto, de Llanes, llévase’l premiu na categoría dedica al so llabor. Bibiana Sánchez ye la ganadora na categoría de tonada, y el Grupu Coral San Pedro, de Sotu’l Barcu, na de mases corales. En cuantes al premiu pol so llabor a favor de la llingua asturiana, resultó ganador esti añu, Inaciu Galán, escritor, periodista y presidente d’Iniciativa pol Asturianu.

Resultaron tamién premiaos el Grupu de Montaña y Senderismu La Chiruca de Soutu Lluiña (Cuideiru), pola defensa de la natura que faen na so actividá, la Fiesta l’Asturcón, como meyor festexu, y a Alberto Suárez, paralímpicu de Riosa, como meyor deportista. La escritora Olvido García Valdés, l’asociación Cencerru de Valdesoto y la Cofradía del Oriciu de Xixón, fueron nomaos premios especiales.

La entrega de premios va celebrase en Xixón demientres la celebración de la Feria de Muestres d’Asturies, nel mes d’agostu.

Llistáu de premiaos en toles ediciones anteriores