La Factoría Cultural inaugura Y-LIFE, de Juan Falcón, una reflexón sobro la cultura visual na era d’Internet y les redes

La sala d’esposiciones de la Factoría Cultural inauguró la selmana pasada l’amuesa Y-LIFE, del artista uvieín Juan Falcón. una instalación na qu’ufierta xuna reflexón sobro la cultura visual na era d’Internet y les redes sociales. Podrá visitase de forma gratuita dende’l vienres 14 d’abril, hasta’l 12 de mayu.

La inauguración tuvo presidida por Anabel Barrio, directora de la Factoría Cultural, acompañada pol mesmu Juan Falcón, quien en Y-LIFE propón una confrontación con elementos clave na compresión d’una sociedá contemporanea que tien na imaxe, y nel so usu na era de la hiperexposición dixital, unu de los sos puntos d’alcuentru. Failo dende una equilibrada variedá conceptual, convidando a cavilgar sobro la complexidá de la esperiencia artística contemporanea, nun percorríu qu’articula idees sobro la conocencia, el pensamientu, la memoria y el poder humano.

Como diz Natalia Arduengo, comisaria de la esposición, “la sobreabundancia d’información y el dataísmo abren la vía d’un totalitarismu dixital”, una deriva que Y-LIFE recueye, confrontando “con elementos clave pa entender los itinerarios de la cultura visual” nuna “digitalización del mundu qu’afecta a la nuesa vida privada”.

Sobrios elementos fabricaos en madera que guarden imaxes nel so interior, nun xuegu constante cola lluz, nuna composición qu’enfrenta al visor col mundu y la so complexidá, formen parte d’obra que va recibir al públicu. Xuna instalación creada por aciu un procesu multidisciplinar nel qu’intervienen el diseñu, l’arquitectura y la fotografía y otros elementos artísticos.

La visita a la esposición ye gratuita, de llunes a vienres de 9.00 a 15.00 hores y de 16.00 a 21.00 hores.