Un lladrón cambió va años 9 ‘Warhols’ por copies

Nueve obres orixinales de Andy Warhol robáronse nuna empresa cinematográfica en Los Ánxeles, sostituyéndoles  por copies falses, ensin que naide lo afayara mientres años.

Calcúlase que los grabaos valen unos más de trescientos mil euros y vienen de les series Endangered Species (Especies en vía d’estinción) y Ten Portraits of Jews of the Twentieth Century (Diez retrato de xudíos del sieglu XX), que l’artista creó en 1980 y 1983, sigún un informe policial. La noticia del robu foi adelantrada pol portal de noticies sobre celebridaes TMZ.

La policía afirma que les copies colgaes nes parés de la compañía de cine Moviola yeren tan paecíes a los orixinales que’l robu solo pudo afayase cuando una de les obres precisó volver ser enmarcada, porque na empresa encargada del trabayu notaron que’l grabáu escarecía de númberu d’impresión y firma.

Una de les obres sustraíes, foi vendida pola casa de puyes Bonhams el 25 d’ochobre de 2011, según l’informe. Va un mes un xuez emitió una orde pa unes oficines de Bonhams en Los Ánxeles, mentantu los detectives investigaben quién mercó la obra y quién la apurrió, según los papeles presentaos ante’l tribunal.

L’informe de la policía de Los Ánxeles sostien qu’a xulgar poles condiciones de les copies el robu debió d’asoceder en dalgún momentu a lo llargo de los últimos trés años, anque la vienta d’Águila Calva en 2011 suxure una fecha inda anterior.