Julio Iglesias canta a Sabina

Julio Iglesias va facer una versión del popular  ‘Y nos diéron las diez’ del Joaquín Sabina nel so nuevu discu, ‘México’, que va salir a la vienta’l 25 de setiembre.

‘México’ ye la vuelta de Iglesias a la música n’español, dempués de 12 años ensin grabar na so llingua. El discu rinde homenaxe a los grandes autores mexicanos y el cantante, que grabó en 12 idiomes, quier qu’esti discu seya bien especial, porque Iglesias publicó’l so primer álbum tributo a México en 1976.

Pa promocionar ‘México’, Iglesias va ufiertar seis conciertos ellí, nuna xira que la llevará per Guadalaxara (26 de setiembre), Querétaro (29 de setiembre), Mérida (3 d’ochobre), Hermosillo (8 d’ochobre), Puebla (10 d’ochobre) y Monterrey (11 de noviembre).

Tolos cantares son d’autores mexicanos, pero destaca esti de Sabina: ‘Y nos diéron las diez’ apaeció nel discu Físico y químico’ (1992) y ye una de los cantares más conocíos de Sabina.