El Principáu ingresa nel Patronatu del Muséu Reina Sofía

El viceconseyeru de Cultura, Vicente Domínguez, foi nomáu ayeri vocal del Real Patronatu del Muséu Nacional Centru d’Arte Reina Sofía. Esta ye la primer vegada que’l Principáu tien representación nel organismu rector de la prestixosa pinacoteca.

Vicente Domínguez, que viaxó ayeri a Madrid, foi nomáu miembru del citáu organismu en virtú d’un capítulu de los sos estatutos, qu’establez que trés de los vocales han ser designaos, de forma rotativa, polos gobiernos de les comunidaes que tengan reconocíes les competencies esclusives en materia de Cultura. Estes autonomíes tienen de cuntar tamién con, siquier, un centru dedicáu a finalidaes similares n’ámbitu y oxetu del Muséu Nacional Centru d’Arte Reina Sofía.

Tres la sesión plenaria celebrada ayeri na capital, los gobiernos autonómicos qu’entren nel patronatu del muséu son, amás del d’Asturies, los de Cantabria y Andalucía. El periodu de permanencia nel órganu rector va ser de tres año