Uviéu va destinar 1,7 millones d’euros a la enseñanza d’artes plástiques y escéniques

Uviéu va destinar 1,7 millones d’euros a la enseñanza d’artes plástiques y escéniques
05 marzu 17:25 2018 Imprimir

La Xunta de Gobiernu del Conceyu d’Uviéu aprobó nel so caberu aconceyamientu los pliegos p’anovar la contratación del serviciu educativu en materia d’artes plástiques y escéniques, pal que va destinar 1,7 millones d’euros.

La continuidá del proyectu, promovida pola conceyalía d’Educación que coordina Mercedes González, escuerre ampliar el currículu de los centros educativos y complementar la formación d’estudiantes de Primaria y Secundaria y tamién de los adultos que puedan tar comenenciudos.

La Escuela Municipal d’Artes Plástiques y Escéniques cunta con unos 1.600 alumnos per cursu y ta xestionada na actualidá por Taller 3, ya inclúi la organización, execución y desenvolvimientu de diverses acciones educatives. En concretu, ufierta formación pintura, diseñu, serigrafía, cerámica, escultura, espresión dinámica, danza, teatru y títeres. El plazu de duración del nuevu contratu va ser de cuatro años (cola posibilidá de realizar dos prórrogues añales) y el so valor envaloráu, sobro’l que los licitadores van formular les sos propuestes, xube a 1.412.400 euros (21% de IVA escluyíu).

Al respective de los adultos, la conceyala indica la necesidá de complementar la ufierta de la conceyalía d’Educación con actividaes complementaries que lleven más de 30 años funcionando nel conceyu y que dexen tamién “impulsar la comunicación y la capacidá de trabayu en grupu”.

  Categories: