Ángel Bados algma’l Premiu Nacional d’Artes Plástiques 2018

Ángel Bados algma’l Premiu Nacional d’Artes Plástiques 2018
24 setiembre 08:49 2018 Imprimir

L’escultor navarru Ángel Bados Iparaguirre (1945) foi galardonáu esta selmana pasada col premiu Nacional d’Artes Plástiques 2018, dotáu con 30.000 euros y que concede’l Ministeriu de Cultura y Deporte.

El xuráu del premiu que falló güei el galardón tuvo formáu pola artista ganadora de la pasada edición, Ángela de la Cruz, la catedrática d’Arte Contemporaneo Estrella de Diego, la comisaria d’esposiciones Blanca de la Torre y la directora d’actividaes de Llaboral, Centru d’Arte y Creación Industrial, Karin Ohlenschlager, ente otros.

El trabayu escultóricu de Bados tuvo siempres bien conectáu cola so vocación docente desenvuelta na Facultá de Belles Artes de Bilbao, un campu’l que destacó como figura esencial pa delles xeneraciones d’artistes.

Tuvo al frente, xuntu a Txomin Badiola, de los cursos d’escultura de Arteleku (1994-1998) nos que llograron dirixir y potenciar la obra de munchos artistes del País Vascu como Itziar Okariz, Jon Mikel Euba, Ana Laura Aláez o Sergio Prego ente otros.

  Categories: