Esposición de Fotografíes ArquioSemeya 2017 na Villa de Veranes

Esposición de Fotografíes ArquioSemeya 2017 na Villa de Veranes
16 marzu 18:42 2018 Imprimir

El Muséu de la Villa Romana de Veranes acueye hasta’l 15 de xunu una esposición de les cuatro fotografíes ganadores y delles otres del primer concursu y maratón de fotografíes del Centenariu del descubrimientu de La Villa Romana de Veranes.

Los Museos Arqueolóxicos de Xixón, cola collaboración del Diariu El Comerciu entamaron hai poco’l primer concursu fotográficu y maratón de fotografíes conmemorativu del Centenariu del descubrimientu de La Villa Romana de Veranes, celebráu mientres l’añu 2017, cola pretensión de pretende dar a conocer y espublizar l’arqueoloxía nel conceyu de Xixón.

Estableciéronse dos categoríes: una dedicada a la Villa Romana de Veranes y otra a l’arqueoloxía en Xixón. Cada participante podía presentar un máximu de cuatro fotografies, dos per categoría. Un xuráu escoyó a los cuatro ganadores del concursu, ente les más de doscientes fotografíes presentaes por cuarenta y seis participantes

Les cuatro fotografíes ganadores, xuntu con una selección de les participantes, esponense ente’l 15 de marzu y el 15 de xunu de 2018 nel Muséu la Villa Romana de Veranes

Nel intre de la inauguración, el pasáu xueves 15 a les 12.30 apurriéronse los cuatro premios concedíos a los ganadores d’esti concursu fotográficu dedicáu a l’arqueoloxía nel conceyu de Xixón.

1. Premiu: Senderu llateral d’Adrián Mijlin Montes
2. Premiu: Solombres del pasáu I de Efrén Rodríguez Aldeiturryaga
3. Premiu: Muralla romana de Pablo Baena Baena

Menores de 14 años

1.Premiu: Cocu visita Veranes de Claudia Rodríguez Suárez

Mención especial del xuráu: Balneariu de los romanos de Lucía Rodríguez Suárez

Esta esposición recueye les fotografíes ganadores y un centenar de fotografíes que s’escoyeron ente les presentaes al primer concursu y maratón de fotografíes.

  Categories: