Sven Hammond llega a Avilés para presentar el so quintu discu dientro de la so xira española

Esti sábadu 21 d’abril a les 21.00 hores nel espaciu escénicu de la Factoría Cultural Sven Hammond llega a Avilés para presentar el so quintu discu dientro de la so xira española.

La banda neerlandesa inscríbese dientro del rock & soul y ta anguaño de xira per España presentando Rapture, el so últimu trabayu

Sven Hammond va actuar el próximu sábadu día 21 d’abril a les 21.00 hores nel espaciu escénicu de la Factoría Cultural d’Avilés. La banda, orixinaria de los Países Baxos, va presentar el so quintu álbum, la resultancia de casi dos años de trabayu nel estudiu que tán amosando énte’l públicu español mientres esti mes.

La formación de rock & soul ta estrenando’l so nuevu discu, Rapture, nel que la mayoría del trabayu de realización haber fechu ellos mesmos: dende la escritura de los cantares, hasta la so grabación, amiestu y producción.

Nos conciertos de Sven Hammond ta bien presente la improvisación polo que’l show del próximu día 21 na Factoría Cultural prometi ser una esperiencia única. Con Sven Figee, un auténticu virtuosu del tecláu liderando la banda, Joost Kroon a la batería, Tim Ejjmaal (guitarra y voz), Glen Gaddum al baxu y la voz de Ivan Peroti, Sven Hammond va presentar en directu los cantares de Rapture; xuna colección de temes de rock y soul con tintes blueseros, apurríos especialmente poles guitarres, y ritmos bonales con influencies del funk.

Les entraes tán a la vienta dende esta selmana pasada al preciu de 8 euros (10 euros el día del conciertu) y puen  adquirise nos puntos de vienta habituales (Factoría Cultural, Casa Municipal de Cultura, caxeros Liberbank y na web, al  preciu de 8 euros (compra antemanada) y de 10 euros el día de l’actuación a partir de les 20.00 hores na Factoría Cultural.

A la intervención de Sven Hammond  siguirá-y la de Them Dirty Roses, procedentes d’Estaos Xuníos, que va tener llugar el 5 de mayu y va cerrar el ciclu de Factoría Sound.