Plástiques La III Esposición Internacional d’Arte Postal n’Avilés axunta más de 300 obres by redacción asturnews 16 d'abril, 2018 written by redacción asturnews 16 d'abril, 2018 56 La III Esposición Internacional d’Arte Postal n’Avilés axunta más de 300 obres dientru les X Xornaes d’Alfarería qu’aconceya a mailartistess de 24 países d’América, Asia y Europa nel Palaciu de Valdecarzana, hasta’l 11 de mayu. La conceyala de Cultura, Yolanda Alonso inauguró la selmana pasada la III Esposición Internacional d’Arte Postal n’Avilés xuntu con Ana Bustu, xefa de Sector d’Oficines d’Asturies de Correos; Jorge López, director de la Oficina Principal d’Avilés, y Joaquín Pérez Sampedro, del departamentu de marketing de la empresa. Tratase d’una amuesa que se celebra nel marcu de les X Xornaes d’Alfarería d’Avilés. El Palaciu de Valdecarzana va ser see, hasta’l próximu 11 de mayu, d’esta esposición compuesta por más de 300 obres postales que provienen de 24 países d’América, Asia y Europa. Va Poder contemplase de llunes a vienres, de 11:00 a 14:00 hores y de 18:00 a 21:00 hores. A la internacionalidad de l’amuesa añede la variedá de técniques y soportes (papel, cartón, cueru, tela, madera y cerámica, ente otros) según la diversidá de perfiles de mailartistas participantes que van dende una neña ecuatoriana de 4 años hasta profesionales de les artes plástiques qu’empobinen la so creación a un contestu espositivu ortodoxu. La inauguración concluyó con un conciertu de gaita al cargu de Martín Pérez Álvarez qu’interpretó énte’l públicu asistente les pieces Muñeira de Boal y El Saltón. Ente les más de 300 obres postales puen atopase trabayos d’artistes d’Alemaña, Arxentina, Austria, Brasil, Canadá, Chile, Dinamarca, Ecuador, Estaos Xuníos, Finlandia, Francia, Grecia, Hungría, Inglaterra, Italia, Xapón, México, Portugal, Rumanía, Serbia, Singapur, Turquía y Uruguai, que se suman a les de mailartistas nacionales. La III Esposición Internacional d’Arte Postal n’Avilés ye xuna realidad gracies el patrociniu de Correos, al so personal que manipolia les obres depositaes nes estafetas de correos y a les carteres y carteros que les recueyen o apurren en cada llugar, curiando que nun haya desperfectos a pesar de la fraxilidá de dalguna d’elles. 0 FacebookTwitterPinterestEmail Anterior Sven Hammond llega a Avilés para presentar el so quintu discu dientro de la so xira española siguiente Cangas acueye un añu más la UABRA nel entamar d’Agostu Tamién te podria gustar “Nos dominios de trés” homenaxea a la pintora... Avilés reivindica a Trinidad Fernández con mediu centenar... La esposición “Cuerpos albentestate” recueye la creatividá reivindicativa... La Factoría Cultural inaugura Y-LIFE, de Juan Falcón,... La esposición “Dos patries llevo comigo” fai alcordanza... Mieres pon en marcha’l programa de visites al... Una esposición amuesa la evolución de la muyer... Inaugurada la VII Esposición d’Arte Postal n’Avilés, con... El tercer Ciclu d’Ilustración de la Ventana de... Avilés recuerda’l so vertixinosu sieglu XX cola esposición...