Salen a la vienta abonos de los Conciertos y les Xornaes de Pianu Luis G. Iberni

Col entamar de setiembre salen a la vienta los abonos de los Conciertos del Auditoriu y les Xornaes de Pianu Luis G. Iberni, que cumplen 30 años, con una programación que foi presentada nel penúltimu día d’agostu.

El presidente de la Fundación Municipal de Cultura, el conceyal José Luis Costillas, presentó esta selmana la nueva temporada de Conciertos del Auditoriu y les Xornaes de Pianu Luis G. Iberni, que cumplen 30 años. Acompañaron al edil el director artísticu del ciclu, Cosme Marina;  la subdireutora xeneral de la Nueva España, Ánxeles Rivero, y el responsable de relaciones institucionales de EDP, Ángel Moraleda.

Costillas aseguró que “estos dos ciclos son de los más importantes que tenemos n’Uviéu. Tornen al Auditoriu nesti nuevu cursu, una temporada na que se fixo un gran esfuerzu para retomar dambos programes ensin perder un ápice de la so importancia, a pesar del añu que fixo’l COVID. Son una de les nueses meyores ‘marca Uviéu’”. Ente ochobre y mayu la nuesa ciudá volverá ser referente musical del norte d’España en música clásica. Gracies a el patrocinadores”.
“Dende la Fundación programemos un cartelu de luxu, con figures de primer nivel y orquestes de sonadía internacional” destacó’l conceyal.

El director artísticu del ciclu, Cosme Marina, tamién destacó la importancia de la música clásica n’Uviéu, “que convirtió a la nuesa ciudá en referente nacional y européu”. Agora que “empezamos a ver una cierta normalidá na movilidá de los  artistes ye xuna señal d’esperanza pal sector”, cavilgó, calificando al ciclu “como una renacencia de la música clásica. Vamos intentar dar un pasu más escontra la normalización, lo que plantega un nuevu escenariu”

La vienta d’abonos, pal periodu d’ochobre a avientu, salióesti martes 31 d’agostu a la vienta hasta’l 16 d’ochobre. Les localidaes sueltes, a partir del 18 d’ochobre.
Pal periodu de xineru a xunu de 2022, los abonos van salir a la vienta a partir del 6 de payares hasta’l 15 d’avientu de 2021 y les localidaes sueltes, a partir del 3 de xineru de 2022.

Tol programa en https://www.oviedo.es/ccjp