Robáu en París un ‘Banksy’ que rinde homenaxe a les víctimes de la sala Bataclan

Una obra atribuyida al artista urbanu Banksy qu’homenaxaba a les víctimes de los atentaos asocedíos el 15 de payares de 2015 en París nos que morrieron 130 persones foi robada, según denunció la sala d’espectáculos Bataclan, unu de los llugares d’aquella traxedia y n’una de que les sos salíes d’emerxencia fuera asitiada.

La obra, que nun ta roblada, representa a un personaxe musgu y d’aspeutu murniu y taba pintada sobre xuna salida d’emerxencia pola que numberoses persones escaparon del ataque que llevaron a cabu terroristes del grupu yihadista Tao Islámicu (EI), qu’aprucieron na sala y tirotiaron indiscriminadamente al públicu.

Bataclan espresó en Twitter la so “fonda indignación” polo asocedío y sorrayó que la obra pertenecía “a toos”: vecinos, parisinos y ciudadanos del mundu.

“La mesma esencia del arte urbano ye dar vida a una obra d’arte nuna redolada particular y tamos convencíos de qu’esa obra solo tenía sentíu nesi llugar. Esa ye la razón pola que deseyáramos dexala llibre, na cai, accesible a toos”, añedió’l local.