Portada Plástiques La Factoría Cultural inaugura la esposición “Non a la probeza y esplotación infantil”

La Factoría Cultural inaugura la esposición “Non a la probeza y esplotación infantil”

by redacción asturnews

La Factoría Cultural d’Avilés refuerza la so cooperación coles causes solidaries cola inauguración de la esposición “Non a la probeza y esplotación infantil”, na que podrán vese los cartelos finalistes al concursu homónimu. 

L’amuesa ta entamada pola Asociación Paz y Solidaridá, venceyada al sindicatu Comisiones Obreres, y que tien como meta la erradicación de la probeza y l’esplotación de neñes y neños, y recueye les 18 obres finalistes del certame, entamáu cola collaboración col Muséu de la Hestoria Urbana d’Avilés.

Na inauguración tuvieron presente Yolanda Alonso, conceyala de Cultura d’Avilés; Beatriz Coto, directora de l’Axencia Asturiana de Cooperación al Desenvolvimientu, amás d’Ana María García y Evelia Muñiz, presidenta y vocal, respectivamente, de l’Asociación.

La esposición recueye les obres escoyíes ente les más de 70 presentaes, nuna convocatoria que tuvo como oxetivu, na que foi la so primer edición, sensibilizar contra’l maltratu y l’esplotación de neños y neñes en tol mundu, nun 2021 declaráu pola ONU como “Añu Internacional pa la Eliminación del Trabayu Infantil”. Ente elles, la ganadora, realizada pol artista madrilanu José Luis Apolazáu Calvo, llicenciáu en Belles Artes pola Universidá Complutense y que desenvuelve la so carrera profesional nel ámbitu del diseñu gráficu ya industrial. Facer con un premiu de 500 euros.

La esposición va poder visitase hasta’l 16 de payares, nos horarios habituales de la Factoría Cultural, de llunes a vienres, de 9.00 a 14.00 y de 16.00 a 21.00 hores.

Tamién te podria gustar