Portada Conceyos La Vega acueye’l 24º Concursu de Rock Ciudá d’Uviéu

La Vega acueye’l 24º Concursu de Rock Ciudá d’Uviéu

by redacción asturnews

Esta fin de selmana volvió’l Concursu de Rock Ciudá d’Uviéu-Alejandro Blanco Espina na fábrica d’armes de La Vega que va siguir la fin de selmana próxima coles actuaciones de 15 grupos locales qu’opten a ganar esta 24 edición.

Los conciertos entamaron a les 20 hores del vienres coles actuaciones de Lylas&Javi, Fesoria a les ortigues y Indocentes. Cada grupu tien media hora d’actuación y esta primer sesión del certame va cuntar con Obus como artista invitáu.

El sábadu, día 6, xubieron al escenariu Oklahoma, The Magnus y Secta y a les 21.45 actuó Tierra Santa como artista invitáu. Y ayeri domingu, día 7, actuaron, dende les 19 hores, Moza Kenobi, Amazing Rescamplu, Aferruñe y Neo como artista invitáu, que xubió a les tables a les 20:45 hores.

La edición va siguir, el vienres día 12, a les 20 hores, con Ribanos, Picu y Arek y La Frontera,  como artista invitáu. El sábadu, día 13, La familia culiebra,  Socs y Beast inside van xubir a les tables y a les 21 hores, Brea, como artista invitáu y tamién Tafuros maniegos, a les 22:30 hores Y el día 14 van dase conocer los premiaos n’una sesión que va cerrar, dende les 19:30 hores, Ariel Rot.

La entrada a toles sesiones ye llibre hasta completar aforu.

Tamién te podria gustar