La esposición “Héroes Ocultos” amuesa 27 inventos cotidianos na Llosa d’Uviéu

Una esposición sobre los inxenios qu’atopamos nos oxetos cotidianos, “Héroes ocultos. Inventos xeniales. Oxetos cotidianos” , montada pola Obra Social  “la Caixa”va tar abierta hasta’l 28 de febreru , na carpa asitiada na cubierta de RENFE, la Llosa.

L’alcalde d’Uviéu, Wenceslao López,  qu’inauguró esti xueves 28 l’amuesa, punxo d’exemplu unu de los primeros inventos qu’atopamos na esposición: la pinza.  L’Alcalde estimó a “la Caixa” l’oxetivu pedagóxicu de la esposición, yá que 41 colexos d’Asturies van visitar l’amuesa. D’esta manera, “los mozos van tomar nota de qu’hai preseos bien primitivos aparentemente, que nun tienen tecnoloxía, pero sí una gran aportación intelectual y d’inxeniu. Porque la innovación y la capacidá creativa va más allá de la electrónica” dixo.

Pela so parte, José Manuel Bilbao, director Territorial de CaixaBank n’Asturies y Castiella y Llión, resaltó demientres la inauguración, que la esposición “reivindica’l legáu d’inventores desconocíos”. A la inauguración tamién asistieron tamién el conceyal de Cultura, Roberto Sánchez Ramos y diversos ediles de la corporación municipal.