‘From nothing to void’ de Pep Vidal esponse hasta’l 21 d’ochobre en Xixón

From nothing to void, del buecu al vaciu, de Pep Vidal esponse hasta’l 21 d’ochobre na sala 3 del Centru de Cultura Antiguu Institutu de Xixón.

En castellán designamos cola palabra vacíu” a un espaciu ensin nada, un espaciu buecu. Pero tamién entendemos per vacíu un espaciu onde s’esanicia tola materia qu’hai dientro (aire y partícules) y non queda nada. Hai una gran diferencia ente un buecu —nothing— y un espaciu ensin absolutamente nada —void o vacuum—, pero nós nun podemos estremar a güeyu ente UN vacíu y EL vacíu.

Partiendo de la pieza From nothing to void, del buecu al vaciu, l’artista y matemáticu Pep Vidal enfusa, al traviés del arte, les matemátiques y la ciencia, nel mundu de la midida, la naturaleza, lo observable, la percepción y l’erru (necesariu). El vacíu. Too ello dende un puntu de vista bien de la piel, de lo sensorial, de les sensaciones. Porque nun fai falta saber enforma d’una cosa, basta con reparala atentamente.

Centru de Cultura Antiguu Institutu. Sala 3. Del 26 de setiembre a 21 d’ochobre Llunes
a vienres de 18.00 a 21.00 h
Sábados de 11.00 a 14.00 y de 18.00 a 21.00 h
Domingos y festivos de 11.00 a 14.00 h