Portada Plástiques El Muséu del Pueblu d’Asturies inaugura una esposición de cartelos asturianos

El Muséu del Pueblu d’Asturies inaugura una esposición de cartelos asturianos

by asturnet

Güei, miércoles 28 de xineru, a la una la tarde, el Vieyu Institutu Xovellanos de Xixón va acoyer la presentación de la esposición “El cartelu n’Asturies”. Na inauguración van tar presentes l’Alcadesa de Xixón y el Conceyal de Cultura Tradicional y Llingua Asturiana, amás del Director del Pueblu d’Asturies, entridá organizadora d’esta esposición.

Na esposición sobre’l cartelu n’Asturies van colgase unos 170 cartelos y bocetos, dalgunos de fondos privaos ya institucionales y el restu d’ente los 900 qu’integren la coleción que’l director Juaco López foi axuntando dende l’añu 1992.

Ente los artistes espuestos van tar Julio García Mencía, Evaristo Valle, Germán Horacio, Vaquero Palacios, Juan M. Rovés, César Pola, Uría Aza, José Antonio Caicoya, Paulino Vicente, Sócrates Quintana, Alfonso, Falo, Elías, Santamarina, Juan Botas y Germán Madroñero.

Tamién te podria gustar