Aliada ameyorará les busques d’arte n’Internet

A partir de 2016, buscar les obres de Picasso nunca espuestes n’España sedrá bien cenciello por mor d’Aliada, un proyectu qu’enllaza datos de museos y biblioteques y ponlos a disposición de tol mundu, col financiamientu de la UE.

Les entidaes culturales d’Europa atesoren un inmensu patrimoniu artísticu y bibliográficu que documenta la so hestoria. La mayoría d’esta información ta catalogada en programes modernos, pero en formatos incompatibles ente sigo y, por tanto, ensin visibilidá en busques d’Internet. Aliada resuelve eses torgues del software.

El programa crea una infraestructura p’apigurar archuivos so una mesma arquitectura d’Internet qu’al ser publicaos automáticamente puean crear venceyos ente sigo. Tecnalia, fundación privada d’investigación aplicada y esperta en web semántica, y Scanbit, empresa especializada en xestión documental, xuniéronse pa promover esti proyectu.

N’Aliada conflúin estes firmes tecnolóxiques y biblioteques y, agora, los museos Artium de Vitoria y el Belles Artes de Budapest. La idega ye contextualizar la información pa que les mesmes maquinas puedan entender ya interpretar lo que l’usuariu ta buscando.