Taylor Swift trunfa nos MTV MVA y anuncia nuevu trabayu

02 setiembre 09:25 2022 Imprimir

La cantante Taylor Swift trunfó na última edición de los Video Music Awards (VMA) qu’otorga la cadena MTV celebraos nel Prudential Center de Newark, en Nueva Xerséi y aprovechó pa dar  anuncia del llanzamientu del so nuevu trabayu.

La estadounidense recibió la máxima reconocencia pol so cantar ‘All too well’, meyor videoclip del añu, amás de meyor vídeu en formatu llargu y meyor dirección. L’artista quixo responder a estes distinciones y al sofitu incondicional de los sos siguidores anunciando la fecha del so nuevu discu para’l próximu 21 d’ochobre. Col títulu ‘Midnights’, va arrexuntar trelce tarrezas nos que la cantautora va rellatar otres tantes hestories de nueches ensin dormir a lo llargo de la so vida.

Swift aprovechó la so intervención pa destacar el trabayu de les muyeres detrás de les cámares y sorrayó el fechu de qu’anguaño fueren nomaes cuatro directores de videoclips. Los discursos feministes y los mensaxes de empoderamiento de la muyer son habituales tantu nos sos cantares como nos sos discursos. Bastante ye que, a lo llargo de la so carrera tuvo que superar dende l’escrutiniu públicu de la so imaxe física, que llegó a provoca-y desordes alimenticios, hasta los desprecios de compañeros d’oficiu. A

Otra de ñes trunfadores de la nueche foi la rapera Nicki Minaj, 17 vegaes nomada a los VMA y cinco vegaes ganadora. Recibió’l premiu honoríficu Michael Jackson Video Vanguard amás del de meyor vídeu de hip hop por Do we have a problema?’. Lil Nas X y Jack Harlow llograron trés estauínes conxuntes pola so versión del cantar Industry Baby, y Harry Styles recoyó’l premiu al meyor álbum del añu por ‘Harry’s house’, y meyor videoclip pop y meyor cinematografía para ‘As it was’. Harlow llogró amás una estauína por ‘First class’ como meyor cantar del branu.

El discursu más aplaudíu de la nueche foi’l de Bad Bunny que consiguió’l premiu al meyor artista del añu: «Siempres creyí, dende’l principiu, que yo podía aportar a grande, que yo podía aportar a unu de los meyores cantantes del mundu ensin tener que camudar la mio cultura, la mio llingua, el mio idioma, la mio xíriga; yo soi Benito Antonio Martínez, de puertu Ricu pal mundu enteru».

  Categories: