Portada Comunicación L’esplegue de la 5G nel mundu xorrez enforma

L’esplegue de la 5G nel mundu xorrez enforma

by redacción asturnews

La 5G ta estendiéndose a un ritmu vertixinosu por tol mundu y según un informe publicáu pola GSA (Global Mobile Suppliers Association), la quinta xeneración de tecnoloxíes móviles taba disponible comercialmente en 58 países en xunu de 2021, frente a los 38 de fai aprosimao un añu, y una docena más esplegaren parcialmente esta tecnoloxía móvil.

Ello ye que les últimes previsiones indiquen que la 5G podría llegar a mil millones d’usuarios trés años y mediu dempués de la so entrada al mercáu, en comparanza colos cuatro años que tardó la 4G n’algamar esti númberu d’usuarios, y los dolce años de la 3G.

América y Europa (onde España foi unu de los primeros países n’esplegar la 5G comercial) tán a la vanguardia de la implementación de la 5G, como amuesa’l nuesu mapa. Tamién se tán faciendo inversiones nesta tecnoloxía en casi tolos países d’Asia.

Corea del Sur ye’l país qu’esplegó la primer rede 5G y espérase que se caltenga a la cabeza tocantes a la penetración de la tecnoloxía. Pa 2025, espérase que casi’l 60% de les suscripciones móviles en Corea del Sur sían pa redes 5G.

Fuente: https://es.statista.com

Tamién te podria gustar