Asturies destaca en comprensión llectora

Los esc olinos y escolines d’Asturies tienen un sobresaliente en comprensión llectora, según el caberu estudiu internacional PIRLS, que dio a conocer esti martes el Ministeriu d’Educación, asitiando Asturies, con 550 puntos, mui penriba  de la media española (521),  la europea (528) y la de la OCDE (533).

L’informe, realizáu en 2021 a 825 neños de 4º de Primaria, alluga Asturies namái per detrás que d’Irlanda, Irlanda del Norte, Inglaterra, Croacia y Lituania lo que yera esti día motivu d’arguyu de la nuesa educación, como quixo dexar afitao la conseyera d’Educación, Lydia Espina.

L’Estudiu Internacional de Progresu en Comprensión Llectora (PIRLS, poles sos sigles n’inglés) señala qu’Asturies ameyoró en dos puntos en comprensión llectora frente a los anteriores datos, de 2016, y al contrariu de lo que pasó nel conxuntu del país, que baxa seis puntos. Más de la metá del alumnáu asturiano evaluáu llogra un nivel altu o avanzáu, y la totalidá de los centros atópase percima de la media internacional.

Asturies participa per segunda vegada nesti estudiu con una amuesa ampliada, que realizó la reputada Asociación Internacional para la Evaluación del Rendimientu Educativu (IEA) en 57 países. En total, evaluose a 825 alumnos de 4º de Primaria de 50 centros educativos de la comunidá. La novedá d’esta edición ye que toles pruebes desenvolver en formatu dixital.