L’Auditoriu acueye’l día 24 el conciertu “Argentum” pa celebrar el 25 aniversariu de la Real Banda de Gaites “Ciudad d’Uviéu”

L’Auditoriu acueye’l día 24 el conciertu “Argentum” pa celebrar el 25 aniversariu de la Real Banda de Gaites “Ciudad d’Uviéu”
16 ochobre 09:33 2017 Imprimir

L’Auditoriu acueye’l día 24 el conciertu “Argentum” pa celebrar el 25 aniversariu de la Real Banda de Gaites “Ciudad d’Uviéu”, xornada na que tamién se van xubir al escenariu un bon garapiellu d’artistes asturianos contemporáneos.

Víctor Manuel, la Orquesta Uviéu Filarmonía, los coros de la Fundación Princesa d’Asturies, la Capiya Polifónica Ciudá d’Uviéu, Escolanía de Cuadonga, The Blue Submarine y los grupos de baille finalistes del concursu Ciudá d’Uviéu son dalgunos de los nomes que van participar.  Vicente Prau “El Pravianu”, José Manuel Gutiérrez “Guti”, Yolanda Pérez Alonso “Yoly” y Luis Miguel Méndez van dirixir el conciertu nel que se van estrenar dos obres del compositor Guillermo Martínez.

El conceyal de Cultura, Roberto Sánchez Ramos, presentó esta selmana la cita, na que se va dar a la Real Banda de Gaites Ciudad d’Uviéu la Medaya de Plata del Conceyu d’Uviéu. Les entraes, con precios de 8 y 6 euros, yá tán a la vienta.

El conceyal de Cultura, Roberto Sánchez Ramos, presentó esta selmana pasada’l conciertu “Argentum” col que la Real Banda de Gaites “Ciudad d’Uviéu” va celebrar la so 25 aniversariu arrodiáu de grandes músicos y agrupaciones como Víctor Manuel, la Orquesta Uviéu Filarmonía, los coros de la Fundación Princesa d’Asturies, la Capiya Polifónica Ciudá d’Uviéu, Escolanía de Cuadonga, The Blue Submarine y los grupos de baille finalistes del concursu Ciudá d’Uviéu. Vicente Prau “El Pravianu”, José Manuel Gutiérrez “Guti”, Yolanda Pérez Alonso “Yoly” y Luis Miguel Méndez van dirixir el conciertu nel que se van estrenar dos obres del compositor Guillermo Martínez.

Nesta cita, programada nel Auditoriu Príncipe d’Asturies el día 24 d’ochobre a les 20 hores, va apurrise la Medaya de Plata del Conceyu d’Uviéu a la Real Banda de Gaites Ciudad d’Uviéu que se convirtió, según resaltó’l conceyal de Cultura “en toa una institución musical pola que pasaron más de 300 músicos” y “que fixo posible la incorporación de la muyer nel folclore tradicional asturianu, yá que fai 25 años nun yera normal ver muyeres tocando la gaita, l’acordión o’l tambor”.

El presidente de la banda, Adolfo García, quixo estimar l’esfuerzu de tolos componentes de la formación, que magar tener los sos propios trabayos y estudios, realicen de media unes 130 actuaciones al añu por tol mundu.  Toos ellos, siguió El Pravianu “tán sacrificándose” y “trabayando duramente” para sacar alantre esti conciertu.

  Categories: