Nikki Hill ufierta un conciertu n’Avilés dientro de la so xira mundial

Esti sábadu 5 de noviembre, el Teatru Palacio Valdés va acoyer un conciertu de la estadounidense Nikki Hill incluyíu dientro de la so xira mundial presentando’l so últimu trabayu: “Heavy Hearts, Hard Fists”.

A finales de 2015, Nikki Hill, de Carolina del Norte, pero instalada en New Orleans, publicó’l so nuevu álbum Heavy Hearts, Hard Fists al traviés de Deep Fryed Records. Impulsada pol boogie ruxente de la so banda, un amiestu a medies ente The Staple Singers y AC/DC, el so nuevu álbum amuesa a una Nikki que rezume seguridá, con un soníu encesu que pedrica’l gospel más roqueru: altes hores de la nueche, besos calientes y amor intoxicante.

Criada nel coru d’una ilesia, dientro del espíritu del R&B y el garaxe rock rumble, Nikki Hill cuspe fueu con una alma bañada na voz de Etta James, y el so tatuáu aura y el so pelo colmenero que recuerda a la guitarrista de los Cramps, Poison Ivy. Heavy Hearts, Hard Fists ye una vitrina pa la versatilidad ilimitada de Nikki, yá dende’l perversu estrueldu que ye “Struttin”, el blues quemaderu a lo Rolling de “(Let Me Tell You ‘Bout) LUV” o esa balada que nos llega a l’alma que ye “Nothin´ With You”.

Les entraes, que cuesten 15 euros de forma antemanada y 18 euros en taquilla, yá pueden mercase al traviés de www.mestizoproducciones.es