Portada Lliteratura L’Alla conmmora l’aniversariu de Matías Conde col facsímil de “Sol en los pomares”

L’Alla conmmora l’aniversariu de Matías Conde col facsímil de “Sol en los pomares”

by redacción asturnews

Esti xueves 3 de payares, a les 19:00 hores na Sala de Conferencies del CCAI, va tener llugar la presentación de la edición facsímil del llibru “Sol en los pomares” del escritor xixonés Matías Conde, que vieno acabante de reeditar l’Academia de la LLingua.

L’Academia de la Llingua Asturiana (ALLA) reedita agora esta obra pa conmemorar el 120 aniversariu de la so nacencia en collaboración col Conceyu de Xixón. L’actu va celebrase esti xueves 3, a les 19 hores, na sala de conferencies del Centru de Cultura Antiguu Institutu Xovellanos, actu nel que va participar la Conceyala d’Educación y Cultura, Ana Monserrat López Moro, la Presidenta de l’Academia de la Llingua, Ana Mª Cano González y Xosé Lluis García , mienbru de númberu de l’Academia de la Llingua Asturiana.

Matías Conde de la Viña (Xixón, 1896), profesor mercantil, desarrolló dende mozu les sos aficiones lliteraries y collaboró davezu en semanarios locales. Por cuenta la guerra civil, en 1937 emigró a Francia y México, onde vivió hasta 1982, añu en que morrió .

«Sol en los pomares», la so obra más renomada, qu’agora reedita l’Academia de la llingua Asturiana col sofitu del Ayuntamientu de Gijón/Xixón, coincidiendo coll 120 aniversariu de la nacencia de Conde, foi espublizada nel 1948 en México con entamu del escritor José Vasconcelos y ilustraciones del artista xixonés Germán Horacio, fíu de Pachín de Melás, axunta poemes populares de calter costumista, humorísticu o sentimental.

 

Tamién te podria gustar