Neños y neñes d’Avilés impulsen una campaña por que non decaiga l’ánimu

Neños y neñes d’Avilés impulsen una campaña online por que non decaiga l’ánimu mientres el confinamientu. Los más mozos siguen exerciendo’l so derechu a la participación. Col eslogan ‘Participa dende casa’ y al traviés de xuntes telemátiques crearon 11 tarxetes con 11 mensaxes d’optimismu.

Los neños y neñes y adolescentes del Conseyu de la Infancia y Adolescencia d’Avilés (CIAA) siguen exerciendo’l derechu a la participación pese al confinamientu que ta produciendo la crisis sanitaria del coronavirus. Gracies a les plataformes y videoconferencias siguen axuntándose, col asesoramientu de responsables del Programa Infancia y Mocedá del Conceyu d’Avilés, para trabayar  n’actividaes y xenerar idees que faigan más llevaderos estos díes d’encierre y, na midida de lo posible animar a quien peor lo tean pasando.

La selmana pasada responsables del programa caltuvieron una xunta a distancia col grupu asesor de CIAA para falar un pocu de cómo tán, cuál ye la situación y asocedióse-yos mandar dellos mensaxes d’ánimu a los más pequenos. Surdió asina la minicampaña ‘Participa dende casa’ na qu’al traviés de 11 tarxetes con otros tantos mensaxes búscase animar al colectivu al empar de reforzar la concienciación de qu’hai que permanecer nes cases si quier superase esta pandemia. Y al empar que se refuerza l’ánimu, sigue exerciéndose el derechu a la participación.

“Dende casa escúchennos, siguimos con ls que lluchen”; “Quedamos güei en casa, para mañana participar nes cais”; “Recluids, pero participativs”; “Güei nun salgo, pero puedo compartir lo que valgo”; “Pensar colectivamente ayuda a la mente”; “Participa dende casa, y asina, el tiempu pasa”; Implicaos dende casa cola realidá que nos pasa”, son dalgunos de los mensaxes que dende la infancia y adolescencia avilesina van colgar nes sos canales de participación como’l blogue CIAA https://consejoiaaviles.wordpress.com/ y el blogue de PIA Asturies https://blogasturiaspia.wordpress.com/ por que tamién-yos llegue los mensaxes a otros neños, neñes y adolescentes de distintos conceyos.