Los llibros asturianos van tar presentes nel mercáu de diseñu del Centru d’Arte de La Llaboral

El Centru d’Arte de la Llaboral abrió n’avientu un nuevu espaciu pa la creatividá col que dar a conocer l’actividá que desenrrollen los diseñadores asturianos. Esta fin de selmana, del 4 y 5 d’abril, van entamar una nueva edición del Mercáu de diseñu LLABshop, nel que convida a venti diseñadores que trabayen n’Asturies a amosar y vender les sos creaciones al públicu.

Y dientro d’esta actividá ye onde va abrise una estaya pal llibru fechu n’Asturies, por asturianos y sobre Asturies. El Gremiu d’Editores d’Asturies, qu’axunta a 25 empreses editoriales de la comunidá, collabora col Centru d’Arte n’esta iniciativa que supón la creación d’un Requexu del Llibru Asturianu.

L’horariu de la esposición va ser de 12 a 20 hores y el llugar, el vestíbulu del Centru d’Arte de La Llaboral.