La IX Amuesa de Teatru Amateur llega a la so recta final

L’amuesa va llegar al so fin el próximu sábadu 28 cola compañía convidada, nesti casu la estremeña Maramba Teatru, que va llevar a escena la obra “Acorada2”.

Esti llunes 23, el grupu de teatru xixonés Telón de Fondu representó nel Teatru del Centru Cultural Los Canapés “El Tíu Antonín”, una adaptación n’asturianu del Tíu Vania” de Chejov.

El Teatru del Centru Cultural Los Canapés va acoyer mientres la selmana los dos últimes representaciones de la novena edición de l’Amuesa de Teatru Amateur d’Avilés.  Tratase de les obres “El Tíu Antonín”, representada por Telón de Fondu, y “Acorada2”, que va llegar de la mano de la compañía convidada a esta amuesa, Maramba Teatru.

Esti llunes, 23 de noviembre, el grupu xixonés Telón de Fondu va representó la obra “El Tíu Antonín”, una adaptación n’asturianu al cargu de Lluis Antón González del Tíu Vania” de Chejov, dirixida por Sara García Rodríguez. Nesta ocasión, la obra trescurre nos años 30, nel interior d’una casona asturiana na que vive’l tíu Antonín cola so madre y la so sobrina Sonia. Les sos seles vides vense alteriaes pola visita d’un matrimoniu conflictivu.

Per otru llau, el sábadu 28 de noviembre va tener llugar la representación al cargu de la compañía convidada, que nesti casu ye la cacereña Maramba Teatru. Van Llevar a les tables de Los Canapés la obra “Acorada2”, de Manel Nofuentes, ganadora del X Premiu de Testos Teatrales Raúl Moreno. So la dirección de Pedro A. Pencu, los actores Xema González y Javier Gutiérrez van dar vida a unos personaxes que les sos vides cruciar tres un estresante día marcáu por una nube d’iviernu. Dambes representaciones van entamar a les 19 hores, y la entrada ye gratuita y llibre hasta completar aforu.

La XI Amuesa de Teatru Amateur d’Avilés yá cuntó nesta edición cola participación d’otros ocho compañíes: Santa Bárbara Teatru, con Paraísu Fiscal”, Teatru Traslluz, con “Baillando baxo el orbayu”, Compañía Asturiana de Comedies, con “L’Ayerana”, Grupu Teatru Carbayín, con “La to, Yo, y el vecín”, Teatru L’Horru, con “Nun-y busques trés pies al alcalde”, -yos Filanderes, con “Les Aeróbicas”, La Capacha, con “Metá y Metá”, y Teatru Kumen, con “Cena pa dos”.