Nun Tris abre les Xornaes del Festival Nel Amaro

La reina de la guapura de Leenane, de Nun Tris ye la obra ganadora del V Festival Nel Amaro del añu pasáu que va abrir esti vienres 29 de setiembre les xornaes de teatru que van representar nel FIlarmónica cada vienres les obres que concursen nesti 2023..

El premiu Nel Amaro ta convocáu pola viceconsejería de Cultura, Política Llingüística y Deporte, nel contestu de los premios lliterariu y artísticu en llingua asturiana o gallego-asturianu, y pueden allegar a él empreses del sector profesional dedicaes a la producción y representación d’espectáculos teatrales.

El xuráu, integráu por especialistes en teatru y llingua asturiana y presidíu pol director xeneral de Política Llingüística, Antón García, escoyó na so primer xunta distintos trabayos para la so representación nel VII Festival Nel Amaro.

Amás, anguaño’l públicu va tener ocasión de volver esfrutar de les obres ganadores del añu 2021 y 2022, La reina de la guapura de Leenane, de Nun Tris Producciones, y -yos madreñes baleres, de Carlos Alba, que van abrir y van cerrar el festival respectivamente los díes 29 de setiembre y 27 d’ochobre.

El Teatru Filarmónica d’Uviéu va acoyer les representaciones, con entrada llibre y gratuita hasta completar aforu. Les obres, aptes para tolos públicos y dirixíes especialmente a les families, van empezar a les 18.00 hores, sacante la de La reina de la guapura de Leenane, que va empezar a les 20.00 hores por tar dirixida al públicu adultu

Esti añu, amás de les finalistes, vamos volver a disfrutar de les obres ganadores d’otros años nes funciones d’apertura y pieslle.

29 de setiembre.

20:00 h Función d’apertura. La reina de la guapura de Leenane, de Nun Tris. Obra ganadora del V Festival Nel Amaro (Públicu adulto).

6 d’ochobre.

18:00 h Xuan Soldáu, de Carlos Alba (Tolos públicos).

13 d’ochobre.

18:00 h El gorrumbu, de Saltantes Teatro (Tolos públicos).

20 d’ochobre.

18:00 h Caperucita en Muniellos, de Escenapache (Tolos públicos).

27 d’ochobre.

18:00 h Función de pieslle. Les madreñes vacíes, de Carlos Alba. Obra ganadora del VI Festival Nel Amaro (Tolos públicos).