Cirque du Soleil torna a Xixón con OVO a partir del 26 de xunetu

La compañía canadiense Cirque du SOLEIL quier siguir construyendo nuevos momentos memorables de mancomún xuntu al públicu que siempres lo acompañó en caúna de les ciudaes españoles nes que tuvo nesti cuartu de sieglu. Y Por eso esti próximu branu, a partir del 26 de xunetu, va recalar en Xixón col so espectáculu OVO, un show enllenu de vida, enerxía y acrobacies.

Esta selmana pasada, en rueda de prensa cola asistencia de Manuel Ángel Vallina, conceyala de Cultura del Conceyu de Xixón, Lara Martínez, Xerente de Divertia Xixón y los artistes de OVO Svetlana Delous y Jorn De Laender, la compañía presentó esti espectáculu que podrá vese, en formatu pabellón, nel Palaciu de Deportes de la Guía “Presidente Adolfo Suárez” a partir del próximu 26 de xunetu de 2023 y hasta el 6 d’agostu, de manera improrrogable.

Pa Cirque du Soleil ye una allegría volver Xixón, “ciudá na que yá tuvimos con cuatro shows, la postrera col espectáculu KOOZA en 2019. El públicu de Xixón siempres nos acoyó con muncho ciñu y esfrutó de los espectáculos de Cirque du Soleil. Agora, tornamos con OVO, gracies a la estrecha collaboración y sofitu de Divertia Xixón mientres los dos últimos años. Esti espectáculu ye una colorida inmersión nun nuevu día na vida de los insectos; un estallíu imparable d’enerxía y movimientu”.

Esti realcuentru nel branu de 2023 ye, ensin dulda, un momentu de celebración y a la compañía canadiense fai-y especial ilusión volver con esti espectáculu pa tola familia. Más de 200 funciones que crearon una estrecha relación ente la compañía canadiense y el públicu asturianu, qu’agora sigue con OVO. Manuel Ángel Vallina, conceyal de Cultura del Conceyu de Xixón, afirmó que “la visita de Cirque Du Soleil ye xuna fantástica noticia, porque se trata d’una propuesta cultural de primer nivel al branu de 2023 y porque ye un curiosu turísticu. La presentación de OVO en Xixón ye amás l’afitamientu d’una feliz relación ente la compañía canadiense y la nuesa ciudá “. Pela so parte, Lara Martínez, Xerente de Divertia Xixón, declaró que “tres casi dos años de negociaciones, de xestiones y de grandes torgues como la pandemia pudimos confirmar la llegada de OVO a Xixón. Un espectáculu inéditu, qu’ensin dulda va sirvir p’arredondiar una variada programación veraniega, que volverá asitiar a Xixón nel centru de les miraes como ciudá cultural de referencia nel Norte d’España”.