La casa de puyes Abalarte pon a la vienta un Velázquez inéditu

Abalarte , la puya internacional d’arte y antigüedaes, presentó esta selmana una obra inédita de Diego Velázquez, l’oliu sobre llenzu ‘Retrato de neña’, que va salir a puya’l próximu 25 d’abril con un preciu de salida “presumiblemente millonariu”.

Según la casa de puyes, esta obra supon una “valiosísima aportación” pal estudiu de Velázquez, yá que pertenez a la so primer dómina en Sevilla, “la más enigmática y menos conocida” del autor. La pieza, que llevaba en manos de la mesma familia dende fai delles xeneraciones, nun fuera estudiada hasta agora, polo que los sos propietarios desconocíen el gran valor históricu-artísticu y económicu qu’ostenta.

Según Gonzalo Mora, director de Abalarte, la “exquisitez y rareza d’esta xenial obra de xuru va atraer a grandes coleicionistes internacionales a la nuesa próxima puya”, que va cuntar amás con otres pieces destacaes. Asina, va puyase amás un centenar de llotes, ente los qu’esisten numberoses pieces singulares y d’altu valor históricu. Ente ellos cabo mentar un códice del sieglu XVI procedente del Conventu de Santu Domingu de Guzmán de Tlaquiltenango, nel estáu mexicanu de Morelos. Esti tipu de manuscritos pictográficos suponen l’amuesa más antigua de la pintura indíxena realizada en Nueva España tres la conquista.

Tamién destaquen pola so calidá un Alonso Cano inéditu sol títulu ‘Tobías y l’ánxel’ y un güevu de Fabergué, conmemorativo del aniversariu de la Dinastía Romanov.