Entamó’l tercer Ciclu d’Ilustración de la Ventana de la Factoría

Sol títulu “La ilustración y los sos procesos”, la Ventana de la Factoría Cultural empecipió’l pasáu vienres 16 el tercer Ciclu d’Ilustración cola obra d’Enrique Fernández. Cinco artistes van esponer los sos diseños hasta’l xueves 25 de mayu de 2023.

El ciclu va esibise na so primer aportación hasta’l llunes 16 de xineru de 2023 y depués va siguir cola incorporación de los siguientes artistes. El ciclu completu va cuntar cola participación de los ilustradores Marta de la Vega Lobo, Xelu González, Cinthya Álvarez y Alicia Varela. Cada artista va esponer una ilustración y va proyectar un vídeu que podrá visitase de 19:00 a 22:00 hores

Mientres esti ciclu, comisariáu por Raquel Llagartos, los y les diseñadores van esponer una ilustración y van proyectar un vídeu que va amosar al públicu los aspeutos ocultos de la creación artística. Amás d’Enrique Fernández, van participar tamién Marta de la Vega Llobu, Xelu González, Cinthya Álvarez y Alicia Varela.

La primer obra n’esposición d’esti ciclu ye la d’Enrique Fernández, que podrá contemplase hasta’l 16 de xineru de 2023 de 19:00 a 22:00 hores.

Nacíu en Hospitalet (Barcelona), Enrique Fernández compaxina’l so trabayu como artista de desenvolvimientu visual cola so pasión pol cómic y l’ilustración. La fantasía ye’l so xéneru predilectu publicando más de diez llibros entre cómics, llibros infantiles y publicaciones en revistes. Les sos obres fueron traducíes en dellos idiomes y premiaes internacionalmente.

Marta de la Vega Llobu va tomar el testigu de Fernández y va ser la segunda n’esponer la so obra hasta’l miércoles 22 de febreru de 2023. Darréu, la esposición de Xelu González va poder trate hasta’l xueves 23 de marzu, la de Cinthya Álvarez va tar abierta hasta’l llunes 24 d’abril y, finalmente, va cerrar el ciclu Alicia Varela el 25 de mayu.