Elena Morán algama’l Premiu Café Xixón 2022

El Premiu Café Xixón 2022 vieno acabante concedese a la novela “Volver a cuándo” de la escritora venezolana María Elena Morán, tres les deliberaciones del xuráu nos caberos díes del añu recién fináu.

Axuntáu’l Xuráu calificador del Premio Café Xixón, compuestu por Rosa Regàs, Mercedes Monmany, Antonio Llombes, Marcos Giralt Riega, José María Guelbenzu, en calidá de presidente, y actuando como secretaria Patricia Menéndez Benavente, tres les oportunes deliberaciones y votaciones alcuerden por mayoría conceder el Premiu Café Xixón 2022 a la novela “Volver a cuándo” de la escritora venezolana María Elena Morán.

“Volver a cuándo” cunta dende dellos puntos de vista la hestoria de Nina, quien mientres l’agravamientu de la crisis venezolana en 2019 emigra para Brasil, dexando a la so fía Elisa so los cuidos de la güela Graciela, una muyer en llutu pol so maríu Raúl, el país y la Revolución.

Mientres Nina intenta entamar la so precaria vida de migrante para poder llevar a Elisa y a Graciela consigo, Camilo, el exmarido, aprovecha la so ausencia para averase a la neña y sacala del país. Lo que para él ye un intentu desesperáu de recuperar a la so familia, para Nina nun ye más qu’unu retruque íntimu del autoritarismu nacional, ese qu’él remana tan bien y que ella yá nun ta dispuesta a aceptar.