Diez creadores mozos de 8 nacionalidaes van facer una estancia artística n’Avilés

Diez nuevos ceadores d’ocho nacionalidaes van llevar a cabu una estancia artística de cuatro selmanes na Factoría Cultural d’Avilés. Van facelo nel marcu de la feria d’arte contemporaneo JustMad8, qu’añalmente se celebra en Madrid de forma paralela a ARCU.

El programa “Just Residence 2017” de residencia artística internacional va celebrase per cuarta vegada y nesta ocasión, va ser na Factoría Cultural d’Avilés gracies a la collaboración de la Fundación Bancu de Santander y el Conceyu avilesín.

L’artista cubanu Carlos Garaicoa va ser l’encargáu d’exercer como mentor d’estos mozos creadores mientres la so estancia n’Avilés. Un xuráu presidíu por él mesmu encargose d’escoyer a los siguientes artistes pa participar na Just Residence 2017:

Antonio Machado Pinheiro d’Amoríu (Portugal)
Olga Kozmanidze (Rusia)
Eliza Goldox (Alemaña)
Trepa Orán Llarena (España)
Helga Goran (Croacia)
Jolene Mok (China/UK)
Juraj Florek (Eslovaquia)
Philipp Valenta (Alemaña)
Diana Fonseca (Cuba)
José Sánchez (España)

La residencia ufiérta-yos una esperiencia creativa nuna redolada nueva y d’acordies cola temática de la presente edición del programa: la recuperación y tresformamientu del paisaxe industrial al traviés del arte contemporaneo. Los conceutos de memoria del paisaxe industrial, la integración del arte en dichu paisaxe, y la rexeneración de les infraestructures abandonaes son dalgunes de les llínees de trabayu sobre les qu’ellaborar una propuesta. Avilés constitúi’l marcu perfectu pa desenvolver acciones que intersecten l’arte contemporaneo cola buelga de la industria nel paisaxe urbano.