“Cremalleres”, esposición fotográfica sobre la realidá de les persones que carecen cardiopatíes conxénites

Hasta’l 31 de marzu nel Palaciu de Valdecarzana (C/ El Sol,2) va poer vese “Creamelleres”, una amuesa qu’ axunta imaxes realizaes polos alumnos y alumnes del Centru integráu de Formación Profesional de Comunicación, Imaxe y Soníu de Llangréu (CISLAN) so la supervisión de Jerome Muñoz, director y Verónica Maganto, responsable de Fotografía del citáu centru, sobre la realidá de les persones (neños, nuevos, adultos) que carecen enfermedaes conxénites cardiaques.

L’amuesa, que  va  poder visitase hasta’l 31 de marzu, n’horariu de 11 a 14 y de 18 a 21.00 hores, de llunes a vienres, presenta’l Proyectu “Cremalleres” que surde con motivu del Décimu Aniversariu d’a Asociación de Padres y Amigos de les Cardiopatíes Conxénites, o malformaciones cardiaques  (APACI) y al traviés de la collaboración col CIFP CISLAN, amosando la realidá de los más pequenos, nuevos y les sos families.

La esposición amuesa hestories personales de miembros de l’Asociación de Padres y Amigos de les Cardiopatíes Conxénites, o malformaciones cardiaques  (APACI) nes que se reflexen les distintes etapes de la vida de los afectaos: infancia, mocedá y edá adulta y como esta enfermedá afecta non yá a quien la sufre, sinón a la familia.

L’Asociación de Padres y Amigos de les Cardiopatíes Conxénites (APACI) ye una entidá ensin ánimu d’arriquecimientu, d’ámbitu nacional  y utilidá pública, que vien trabayando dende la so creación en 2005 p’ameyorar les condiciones y la calidá de vida de los menores y mozos que sufren cardiopatíes conxénites y les sos families.

Les cardiopatíes conxénites son distintes malformaciones cardiaques. Son el problema cardiolóxicu más importante de la edá pediátrica, non solo pola so frecuencia (8 de cada 1000 naciellos carecen esti problema) sinón pola gravedá de munches d’elles. Tratar del problema conxénitu con mayor incidencia n’España, con unos cuatro mil nuevos casos cada añu.

El llabor de APACI foi galardonada col Premiu José Lorca Principáu d’Asturies a la Promoción y Defensa de los Derechos de la Infancia, y apocayá, en noviembre de 2015, recibió’l Premiu Solidariu ONCE Principáu d’Asturies na categoría de ONG.