Bruce Springsteen llanza un cantar contra Trump

El refugu del cantante estadounidense Bruce Springsteen escontra’l presidente de los Estaos Xuníos, Donald Trump, nun ye daqué que venga de nuevu. Sicasí, esta vegada The Boss quixo dir más llueñe y espresar lo que piensa sobre’l mandatariu y la so política nun cantar.

El cantante de Born in the USA llanzó esti xueves, xuntu al artista Joe Grushecky, Thats what makes us great (Eso ye lo que nos fai grandes) un himnu ‘anti-trump’ nel qu’asegura que la seguridá del presidente estadounidense y el so enfotu en si mesmu ye namái “fachada”. “Nun me cuntes una mentira y vender como un fechu” o “pasé otres vegaes por esto y nun lo voi volver a faer” son dalgunos de los ácidos reproches que’l cantante dedica a Trump nel cantar.

Anque gran parte de la lletra centrase en criticar a Trump, los artistes dediquen tamién unes llínees a la población, a quien llama a movilizase de manera pacífica: “Depende de ti y de mi…l’amor puede conquistar l’odiu…eso ye lo que nos fai grandes”.