Avilés sumase a la campaña “Asturies diseña futuru, ¿y agora qué”

L’Asociación de Diseñadores d’Asturies, AGA llanzó la campaña “Asturies diseña futuru, ¿y agora qué?”, cola que quier ufiertar un mensaxe optimismu y esperanza al traviés de la cartelería urbana, los conocíos como mupis.

Avilés sumase a una propuesta na que tamién participen los conceyos d’Uviéu, Xixón y Llangréu, col patrocino del IDEPA y FADE, y que yá se puede ver nes cais de la ciudá. Dan forma a esti proyectu 20 diseñadores y diseñadores integrantes de l’asociación, que celebra la so 30 aniversariu, con 105 impresiones distribuyíes peles principales ciudaes d’Asturies. Nellos apaez el lema de la campaña, amás de la reflexón personal llanzada per caúnu de los y el ceadores, con idees sobro’l futuru qu’imaxinen dempués de la crisis desamarrada pola pandemia del COVID-19.

Un llamamientu a reinventar una Asturies que camine xunida y de forma constructiva, y que de la mesma tresmite la importancia del diseñu en distintos ámbitos de la sociedá, nel que participen dos empreses d’Avilés, Proun New Media Agency y Trisquelmedia. Avanzar con coraxe escontra una solución, énte la crisis desamarrada pola pandemia, y atopar una lluz a la fin del túnel, son les propuestes de diseñu de dambes axencies avilesines.

El proyectu va rematar con una publicación na que se van arrexuntar les reflexones y creaciones de tolos y el diseñadores participantes.