Portada Escéniques “La batalla de los ausentes” va ser l’últimu estrenu d’escenAvilés de marzu

“La batalla de los ausentes” va ser l’últimu estrenu d’escenAvilés de marzu

by redacción asturnews

La Zaranda, una de les compañíes de mayor prestíu d’España, llabráu en 40 años de trayectoria nos que les sos obres vieron per primer vegada la lluz en teatros de París y Nueva York, escueye’l Teatru Palacio Valdés para llanzar el so nuevu estrenu absolutu, “La batalla de los ausentes”, una sátira del poder col que se cierra’l ciclu de xineru a marzu de escenAvilés, esti vienres 26 de marzu a les 19.15 hores.

La compañía andaluza propón un testu propiu, como acostuma, con autoría d’Eusebio Calonge, dirección de Paco de La Zaranda, y l’actuación de Gaspar Campuzano, Enrique Bustos y Francisco Sánchez, los trés, yá vieyos, soldaos que retornen al campu de batalla nel que cayeron ganaos na batalla decisiva d’una guerra escaecida.

Encarnaos polos trés actores clásicos de Zaranda, los veteranos son l’exércitu n’escorribanda, en guerra contra’l mundu, un reflexu de la estraña poética de la derrota, y quien, nun tiempu de pesimismu como l’actual, ufierten un cantar de dignidá humana, d’esperanza frente a la escuridá del mundu.

La Zaranda cumple cuatro décades d’esistencia, tiempu nel que reivindicó como los sos constantes teatrales el compromisu esistencial y el partir de los raigaños tradicionales, de forma que revela una simboloxía universal,  de forma que’l so trabayos fueron aclamaos per mediu mundu,  cuantimás en tol continente americanu, pero tamién por toa España y Europa, inclusive n’África o en Xapón.

Tamién te podria gustar