ComunicaciónLliteraturaSociedá Sonia Uría gana’l concursu lliterariu ‘Ensin muyeres, nun hai idiomes’ by redacción asturnews 21 de marzu, 2023 written by redacción asturnews 21 de marzu, 2023 2,2K Sonia Uría vieno acabante ganar esti día’l concursu lliterariu ‘Ensin muyeres, nun hai idiomes’ qu’entama Iniciativa pol Asturianu, cola obra ‘Llingua, respetu y remangu’. En segundu llugar queda ‘Estrelles d’acullá’ d’Alexia Fernández Moure y en tercer posición, ‘Vístime güela’ de Xuan Ferreru. La obra ‘Llingua, respetu y remangu’ ye la ganadora del concursu lliterariu ‘Ensin muyeres, nun hai idiomes’, entamáu por Iniciativa pol Asturianu con motivu de la celebración del Día Internacional de la Muyer. El xuráu escoyó’l testu de Sonia Uría como’l meyor de los presentaos nesta segunda edición del concursu. El segundu premiu correspondióse cola obra ‘Estrelles d’acullá’ d’Alexia Fernández Moure, y el terceru a ‘Vístime güela’ de Xuan Ferreru. Esta convocatoria trató de llograr una reflexón sobre la importante figura de la muyer como pegoyu onde deprendimos la nuesa llingua materna, fixándonos especialmente nesi idioma nel que viven, sienten y nos críen les muyeres que nos arrodien faciéndolo al traviés de la lliteratura; consiguiendo amás medrar notablemente les participaciones respeuto a la primer edición. El xuráu d’esta segunda edición del concursu lliterariu ‘Ensin muyeres, nun hai idiomes’ entamáu por Iniciativa pol Asturianu tuvo compuestu por María Xosé Rodríguez de la Oficina de Normalización Llingüística de Xixón, María Antuña de Fórum Femenista, Claudia Elena Menéndez Fernández como directora de Formientu y Vpta. Iniciativa pol Asturianu; Yosune Álvarez coordinadora de XEGA, Aridane Cuevas presidenta del Conseyu de la Mocedá de Xixón y de Mil Voces Violetas; Blanca Fernández d’Iniciativa pol Asturianu y Jennifer Berrocal Expósito tamién d’Iniciativa pol Asturianu, faciendo esta última de secretaria del xuráu. Iniciativa pol Asturianu quier agradecer toles participaciones a esti concursu que foi un homenaxe a toles muyeres que nos arrodien y a les que gracies a elles deprendimos asturianu. Iniciativa pol Asturianulliteratura 0 FacebookTwitterPinterestEmail Anterior Avilés recuerda’l so vertixinosu sieglu XX cola esposición fotográfica “Avilés, la ciudá tresformada (1939-2000)” siguiente Educación aconceya a casi 1600 escolares de 12 colexos ya institutos nuna xornada sobro Ciberacosu Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre La llangreana Beatriz Quintana gana’l premiu de narrativa... La normalización llingüística afitase dafechu nel Parlamentu Aína entama’l cursu políticu con un actu n’Uviéu La Delegación asturiana en Lorient protagoniza la xornada... La UABRA aporta a la segunda selmana d’actividaes 4200 firmes sofiten la música n’asturianu en XIxón