Abiertu’l Programa de Residencies del Centru de Recursos Escénico

La Sociedá Pública de Xestión y Promoción Turística y Cultural del Principáu d’Asturies, al traviés de Llaboral Ciudá de la Cultura y nel marcu de los sos fines punxo en marcha’l Programa de Residencies del Centru de Recursos Escénicos del Principáu d’Asturies pal períodu entendíu ente los meses de xunetu-avientu 2022 y a que’l so efectu, con fecha 10 de payares de 2022 publicó na web www.laboralciudaddelacultura.com les bases de dicha convocatoria.

El Programa de Residencies del Centru de Recursos Escénicos del Principáu d’Asturies tien como oxetivu l’impulsu de la creación ya investigación escénica y ta dirixíu a les compañíes profesionales asturianes pa sofitar el procesu de desenvolvimientu de los sos proyectos escénicos, apurriendo recursos materiales y humanos del Teatru de Llaboral Ciudá de la Cultura pa la concepción, creación y puesta n’escena de la obra. Esti programa tien calter semestral, con 2 convocatories añales y lleva en marcha dende xineru de 2015, polo que yá se realizaron 16 convocatories del mesmu.

Con esti fin, aquellos proyectos escénicos presentaos na convocatoria son analizaos y puntuaos por una Comisión de valoración formada por profesionales del sector cultural y en base a dellos criterios (desenvueltos de siguío nesti documentu) que remata cola selección de les seis propuestes que llogren les mayores calificaciones y que van ser oxetu de dichu programa.

Les solicitúes podrán presentase nel modelu del Anexu I hasta les 12:00 hores del 9 d’avientu de 2022.
Descargar les bases completes equí.
Descargar Anexu I equí.