Chillida vuelve tener el so llugar en Hernani

Ocho años dempués del so zarru, el muséu d’escultures al campu Chillida-Leku reabre les sos puertes al públicu en Hernani depués de que en 2010 viérase obligáu a cerrar les sos puertes por inviabilidá económica.

“Yo equí, nel mio País Vascu, siéntome nel mio sitiu, como un árbol que ta afechu al so territoriu, nel so terrenal pero colos brazos abiertos a tol mundu”, dicía Eduardo Chillida (San Sebastián, 1924-2002), una de les máximes figures de la escultura del sieglu XX; tamién poeta y filósofu capaz de tresformar los pensamientos más fondos nes formes más simples. Unu de los sos últimos suaños, col que quixo cerrar el so ciclu vital y al que dedicó quince años de la so vida foi la creación d’un muséu d’escultures al campu onde’l públicu pudiera rellacionase cola so obra ente los verdes praos de Zabalaga, arrodiaos de fayes, carbayos y chopos.

El Chillida-Leku (el llugar de Chillida) inaugurarase en Hernani (Gipuzkoa) nel 2000, pero diez años más tarde viose obligáu a cerrar les sos puertes por inviabilidá económica. “Él pertenecía a esti llugar y toi seguro de que taría feliz de ver cómo vuelve renacer yá afechu al sieglu XXI”, comenta’l so fíu Luis Chillida, mientres pasia ente les monumentales escultures plantaes en redol al vieyu caserío del sieglu XVI qu’a partir del día 17 reabre les sos puertes al públicu.