Los Alcuentros de Músiques Asturianes train a Degañans

La cuarta edición d’esti ciclu nos Centros Integraos de Xixón ufren nel Atenéu La Calzada esti miércoles 21 d’ochobre a les 19.30 horas un repasu al soníu de Degañans.

Los Alcuentros de Músiques Asturianes vienen organizándose desde jai tres años en Xixón p’amosar la riqueza y diversidá del nuesu folclor nel que conviven tradición y modernidá, fusión d’estilos ya innovación.

Degañans ye un grupu surdíu en mayu de 2012 y formáu por cuatro músicos con dilatada esperiencia dientro del folk asturianu, procedentes de grupos como Los gatos del fornu, Ciquitrinos, Duerna o Corquiéu. El so repertoriu vien ser tanta tradicional como de composición propia, incluyendo delles pieces de los países del Arcu Atlánticu como Irlanda o la Bretaña Francesa.

Na so curtia trayectoria yá participaron en diversos festivales folk d’Asturies, y representaren a la comunidá nel estranxeru, en Festivales per toa Europa.