La segunda edición de “Siguiendo la Escena” desveló los rellabicos de la obra “Manolita Chen. Un cuentu chinu” al alumnáu de Secundaria d’Avilés

El proyectu “Siguiendo la Escena”, impulsáu pola conceyalía de Cultura d’Avilés  cola cuenta d’incluyir el teatru como ferramienta educativo al empar que se fomenta l’acercamientu de nuevos públicos, algama nesti 2021 la so segunda edición. Failo al traviés de la obra “Manolita Chen. Un cuentu Chinu”, que va dexar al alumnáu de Secundaria de la ciudá conocer los rellabicos d’una producción teatral.

La productora y actriz principal de la obra, Pepa Zaragoza, foi la protagonista de la nueva sesión, que  tuvo llugar esti miércoles, 26 de mayu, a les 18.00 hores, nun alcuentru telemáticu al traviés de la plataforma Zoom.

Zaragoza tomó’l relevu nesta edición de les dos xuntes iniciales, nes qu’intervinieron el responsable del proyectu, el dramaturgu, director y xestor cultural Fernando Sánchez-Cabezudu, y el director de la función apocayá estrenada, José Troncoso.

Participen los IES La Madalena, Menéndez Pidal y Carreño Miranda, según los colexos San Fernando y Salesianos-Santu Ángel, bien venceyaos a les artes escéniques gracies a los sos activos grupos de teatru estudiantil.

La bona acoyida del proyectu l’añu pasáu, nel que participaron profesionales integrantes de obrar “Solombra y Realidá”, estrenada nel Teatru Español de Madrid, y l’interés amosáu polos y les estudiantes para conocer el procesu creativu casi en tiempu real de montaxes teatrales que se tán desenvolviendo nestos momentos, dexó retomalo con fuerza nesta nueva edición.

Calendariu de xuntes