Escéniques “La piedra escura” aporta esti vienres al Teatru Palacio Valdés by redacción asturnews 11 de payares, 2015 written by redacción asturnews 11 de payares, 2015 55 Dientro del ciclu “Teatru 2015” de escenAvilés, esti vienres, 13 de noviembre les tables del Teatru Palacio Valdés acueyen la representación d’una nueva obra. La obra presenta una visión sobre dalgunos de los postreros y más desconocíos aspeutos de la vida de Federico García Lorca, nuna puesta n’escena que dirixe l’arxentín Pablo Messiez y a la que dan vida los actores Daniel Grao y Nachu Sánchez. Va Ser a partir de les 20:15 hores, y les entraes tán a la vienta al preciu de 10, 18 y 22 euros. “La piedra escura” ta escrita por Alberto Conejero, dirixida por Pablo Messiez, ya interpretada polos actores Daniel Grao y Nachu Sánchez. Ye una interpretación llibre, anque basada en fechos documentados de primera mano pol autor, d’unu de los aspeutos más desconocíos de la vida de Federico García Lorca. Concretamente, la obra ta protagonizada pol que foi’l so compañeru sentimental nos sos postreros aós de vida, Rafael Rodríguez Rapún, un mozu estudiante d’Inxeniería de Mines que la so afición pol teatru llévalu a conocer al grupu “La Barraca” y nél, al poeta y dramaturgu granadín. Sicasí, la obra nun rellata esta relación. En realidá, “La piedra escura” trescurre nuna habitación d’un hospital militar na que se produz un alcuentru ente’l mesmu Rafael, que vive les sos últimes hores antes de ser fusiláu, y un soldáu llamáu Sebastián, que-y curia y col qu’acaba compartiendo momentos d’inesperada comunión dientro del contestu de confrontación de la Guerra Civil. 0 FacebookTwitterPinterestEmail Anterior La Vagamar lliteraria de l’Arribada cumple diez años siguiente Wilko Johnson vendrá en xineru al Niemeyer Tamién te podria gustar Nun Tris abre les Xornaes del Festival Nel... Tatxers, Skabidean y la nueva escena musical Navarra... El Grupu de Teatro San Félix de Valdesoto... Los estudiantes de Primaria van averase al Teatru... La Estaya de la Llingua festexó’l Día Mundial... Dos muyeres nos marxes nel estrenu de la... Cirque du Soleil torna a Xixón con OVO... La zarzuela torna al Palaciu Valdés con “Yo... Lluz de Gas Teatru actúa en Llugones “En tierra estraña” ye la primer función accesible...