Música Avril Lavigne sospriende a los sos fans anunciando una xira europea by redacción asturnews 18 d'ochobre, 2019 written by redacción asturnews 18 d'ochobre, 2019 70 Los fans de Avril Lavigne nun salíen del so plasmu’l pasáu mes de febreru, cuando la cantante anunció nuevu discu, Head above water. Diba seis años que la cantante caltuviérase al marxe de la prensa, especialmente desque fixera públicu que carez la enfermedá de Lyme, provocada pola mordedura d’unu cachiparru y que la dexó postrada en cama mientres meses. La canadiense aseguraba nes sos redes que se sentía más fuerte y preparada que nunca para volver a los escenarios. Un pasu que munchos lleven aplaudiendo de magar, pos entienden lo valiente que ye esta decisión. Agora, Lavigne volvió sosprender a los sos fans anunciando una xira europea para esti 2020. “Tuvimos una dómina increíble presentando Head above water n’Estaos Xuníos. Nun puedo creer lo rápido que pasó. Ver les vueses cares cada nueche y sentir la vuesa enerxía yera esactamente lo que precisaba”, apuntó la vocalista. A lo qu’añedió: “De verdá echaba de menos tar nel escenariu, cantando con vós y esto tráxome tanta felicidá que toi emocionada d’anunciar que voi tar de xira’l próximu añu con feches n’Europa, Xapón, China y el sudeste asiáticu”. Enagora, nun ta prevista nenguna parada n’España. Anque sí que va dar shows a lo llargo del mes de marzu n’Italia, Bélxica, Alemaña, Holanda, Suiza y Viena. 0 FacebookTwitterPinterestEmail Anterior Nando Agüeros va cerrar la so xira en La Pola siguiente Avilés sumase al Día Européu del Camín de Santiago con delles actividaes divulgatives Tamién te podria gustar Semando Son amuesa’l nuevu folk asturiano El Trasiegu Fest va tener un mercáu con... Tatxers, Skabidean y la nueva escena musical Navarra... Algaire repite l’éxitu del 2022 en Lorient La Banda Gaites de Castrillón ufrió’l so repertoriu... Fitoria torna nueve años depués a brillar en... La Delegación asturiana en Lorient protagoniza la xornada... Jaime Álvarez gana’l 36 Troféu Mac Crimmon de... Entamó en Lorient el 52 Festival Interceltique 4200 firmes sofiten la música n’asturianu en XIxón